Азәрбајҹан хариҹи ишләр назиринин мүавини Фариз Рзајев мајын 21-25-дә ишғал олунчмуш Фәләстиндә ишҝүзар сәфәрдә олуб.
Азәрбајҹан Республикасы ХИН-ин ҝеҹикмиш мәлуматында Онун, Һерзлија конфрансында иштирак етдији, ишғалчы сионист режмин бир сыра вәзифәли адамлары вә ГҺТ-ләри илә ҝөрүшләр кечирдији билдирилир.
Гәсбкар сионист режимин ҝениш мигјасда тәһлүкәсизлијинин тәминини гаршыја мәгсәд гојмуш Һерзлија конфрансында “Азәрбајҹан-Исраил стратежи әлагәләри” мөвзусунда чыхыш едән Рзајев конфранс иштиракчыларына Азәрбајҹан-Исраил мүнасибәтләри, реҝионал проблемләр, стратежи енержи вә нәглијјат лајиһәләри барәдә мәлумат вериб.
Сәфәр чәрчивәсиндә Рзајев сионист режимин Хариҹи Ишләр Назирлијинин баш директору Ронен Леви вә Аврасија департаментинин рәһбәри Симона Һалперин илә дә ҝөрүшүб.
Азәрбајҹан ХИН-ин мәлуматында билдирилир ки, ҝөрүшләр заманы мүнагишәдән сонракы дөврдә реҝионда вәзијјәт, реҝионда сүлһ вә тәһлүкәсизлијин бәргәрар олунмасы истигамәтиндә ҝөрүлән тәдбирләр мүзакирә олунуб.
Һерзлија Конфрансы 2000-ҹи илдә јарадылды вә һәр ил сионист режимин сијаси, тәһлүкәсизлик, кәшфијјат вә игтисадијјат саһәсиндә ән јүксәк мүтәхәссисләрини бир јерә топлајыр. “Јәһуд дүнјасы”-нын мәсәләләринин арашдырылмасы ады алтында диҝәр өлкәләрдә јашајан јәһуди азлыгларыны сионист режимин пијада гошунларына чевирмәјә јол ачмаг да бу конфрансын мәгсәдләринә дахилдир.
342/