“Вурғуламаг истәјирәм ки, бундан сонра Америкаја јөнәлмиш сијасәт јүрүдән һәр кәс, истәр партијалар, истәрсә дә ајры-ајры шәхсләр бу өлкәдә вәтән хаини елан едиләҹәк. Түркијә белә бир нөгтәјә ҝәлди, бу сечкиләрдә бүтүн тәрәфләр бәллидир. Ајдындыр ки, АБШ Түркијәдә нә етмәк истәјир”, - дејә "Т-24" порталы назирин сөзләрини ситат ҝәтирир.
Хатырладаг ки, президент сечкиләринин биринҹи туру әрәфәсиндә дахили ишләр назири АБШ-ын онлара мүдахилә планларынын ҝүҹләндијини билдирәрәк, Вашингтону намизәд Мәһәррәм Инҹәнин президентлик јарышындан чыхмасына сәбәб олан ујдурма видеолар долдурмагда иттиһам едиб.
Сојлу бүтүн анти-Түркијә һәрәкәтләринин архасында шәхсән АБШ президенти Ҹо Бајденин олдуғуну мүдафиә едиб.
Түркијә президенти Рәҹәб Тајјиб Әрдоған президент сечкиләринин илк турунда 49,52%, онун 7 мүхалифәт партијасындан олан рәгиби Камал Кылычдароғлу исә 44,88% сәс топлајыб.
Икинҹи турун сабаһ мајын 28-дә кечирилмәси нәзәрдә тутулуб. Галиб ҝәлмәк үчүн намизәдә садә сәс чохлуғу лазымдыр.
342/