Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Франса Мүсәлманлары
Федерасијасынын Идарә Һејәтинин үзвү Махлуф Мамиш “демократијанын бешији” адланан
өлкәдә Мүсәлманларын һүгугларынын кобуд сүрәтдә позулмасындан ҝилејләнәрәк дејиб:
“Бу Авропа өлкәсиндә Ислами хидмәт бирликләри малијјә мүһасирәсиндәдир.”
О, Әл-Хәлиҹ Әл-Ҹәдидә вердији ексклүзив мүсаһибәсиндә мүсәлманлара гаршы амансыз медиа вә сијаси кампанијалары писләјиб.
Махлуф Мамиш изаһ едиб ки, 2010-ҹу илин сонунда Әрәб Баһары ингилабларындан сонра анти-Ислам һәрәкатлары Франсада шиддәтләниб. О вахтдан бәри биз Мүсәлман Гардашларына, сијаси Ислама вә һәтта бүтөвлүкдә мүсәлманлара гаршы һүҹума кечмәк вә мүгәддәс Исламы шејтанлашдырмаг үчүн интенсив медиа вә сијаси кампанијаларла үзләширик.
Мәхлуф билдириби: “Тәәссүфләр олсун ки, вәтәндаш ҹәмијјәти илә гануна ујғун ишләјән, хидмәт ҝөстәрән вә иҹтимаи мараглара јахын олан һәр һансы Ислами һәрәкат вә ја бирлик “Мүсәлман Гардашлар” тәшкилатына бағлы вә ја сијаси Ислам адланан тәшкилат кими тәсниф едилир. Бу һәрәкат вә дәрнәкләрин Мүсәлман Гардашларла вә сијаси Исламла һеч бир әлагәси олмаса да, аренада фәал олан Ислами бирликләри шејтанлашдырмаг планы гүввәдәдир.”
Франса Мүсәлманлары Федерасијасынын идарә һејәтинин үзвү һәмчинин дејиб: “Һазырда Франсада бәзи мәсҹидләр тәгиб вә мүһасирәјә мәруз галыр, о ҹүмләдән Вилнев Дуск шәһәриндәки Ислам Мәркәзи Мәсҹиди блокадададыр.”
О, сөзүнә давам едәрәк дејиб: “Мәсҹиди идарә едән команда әдлијјә органларына тәгдим едилиб вә 2024-ҹү илин февралында мәһкәмә һөкмү битәнә гәдәр онларын Мәсҹидә хидмәт ҝөстәрмәсинә белә иҹазә верилмир. Бу бөјүк Мәсҹиддир вә Мүсәлманларын ианә пулу илә тикилиб.”
Мамеш Франсада сијаси Ислам мәсәләсини Франса ҹәмијјәтини Исламдан узаглашдырмаг үчүн ортаја гојулан бөјүк бир јалан кими гијмәтләндириб. О вурғулајыб ки, Франсада һакимијјәтә ҝәлмәк истәјән һеч бир сијаси Ислам јохдур, јерли ганунлара ҝөрә, ким һакимијјәтә ҝәлмәк истәјирсә, сијаси партија јаратмалыдыр.
О әлавә едиб: “Инди Ислам Бирлији вә ја Мәркәзинин ҝөрдүјү һәр шеј сијаси Ислама аид едилир. Мәсәлән, пулсуз јемәкләрин пајланмасыны вә ја тәзминат дәрсләринин вә ја бајрам намазынын бөјүк залларда гылынмасыны сијаси Исламын һәрәкәти һесаб едир вә буну Франсада һакимијјәтә ҝәлмәк вә ја Франсанын Исламлашмасы кими гијмәтләндирәрәк Мүсәлманлары мәһкум едирләр!”
Франса Мүсәлманлары Федерасијасынын идарә һејәтинин үзвү вурғулајыб: “Франсада Мүсәлманларын һазыркы вәзијјәти чох чәтин вә мүрәккәбләшиб, онларын етдикләри һәр шеј сијаси Ислам сајылыр, һәтта индики сијасәтчиләр дә өз мөвгеләрини горумаг үчүн сијаси Ислам адланан бу бирликләрә јахынлашмырлар.”
Диггәт: Хәбәрдән Истифадә Етдикдә Мәнбәјә Истинад Лазымдыр!