Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, бу ҝүн 19
Јанвар 2023-ҹү ил, Бакы вахты илә 06:30-да Азәрбајҹан Ислам Партијасынын сәдри доктор
Мөвсүм Сәмәдов ҹисмани азадлыға бурахылыб.
Партија сәдринин ШӘРЛӘНӘРӘК 12 иллик мәһбәс һәјаты битиб вә о, азадлыға чыхыб.
О, илк өнҹә Бибиһејбәт Һәрәмини зијарәт едиб даһа сонра исә Шәһидләр Хијабанына ҝедәрәк Шәһидләрин Уҹа руһуна Гуран вә дуалар охујараг ҝөз јашлары ахыдыб.
Оператив ТВ сајтынын әмәкдашы Шәһидләр Хијабанында Доктор Мөвсүм Сәмәдовдан илк мүсаһибә алыб. Ҹәми 5 дәгигәлик олан мүсһибәнин видеосуну вә јазысыны диггәтинизә чатдырырыг:
“Мүхбир: Мөһсүн бәј кечмиш олсун. Артыг азадлыгдасыныз, үмумијјәтлә тәсүратларыныз һагда...
Дк. Сәмәдов: Бисмилләһир Раһмәнир Раһим вә Һувә Хејрун-Насирин вә Муин... Һәјат сынагдыр, һәјатда ҝөзләнилмәјән сынаглар олур, зиндан да јәгин о сынаглардан бирисидир вә бизә дә белә гисмәт олду бир мүддәт зинданда олаг. Амма зиндан мүддәтиндә тәбии ки, инсан мүхтәлиф имтаһанларла үзбәүз олур, нә гәдәр бу мүддәти чох олса тәбии ки, имтаһанлар бир о гәдәр чох олур. Амма биз Аллаһдан тәшәккүр едирик ки, бизи бу сынаглардан чыхартды бир мәнада, инди неҹә чыхдыг Өзләри јахындан мәлуматлыдырлар. Амма тәбиидир һәр кәс ки, истәсә бир сијаси вә иҹтимаи фәалијјәтдә олсун јәни зинданы да нәзәрдә алмасы мүмкүн оласы бир шејдир. Биздә Аллаһын тәгдири иди, белә дејәк гисмәт иди, нәсиб олду биз зинданда олаг вә зинданларда биз јахшы инсанлар да ҝөрдүк, чох мөһкәм кишиләр ҝөрдүк, мөһкәм инсанлар ҝөрдүк, әгидәли инсанлар ҝөрдүк. Бу мәнада дејә биләрк ки, зиндан доғурдан да бөјүк бир... неҹә дејәрләр инистутму дејәк? бир академијадыр, амма инсан зиндандан чыхандан сонра даһа чох өзүнү таныјыр.
Мүхбир: Бундан сонракы фәалијјәтиниз неҹә олаҹагдыр? Давам етдирәҹәксинизми? Үмумијјәтлә планларыныз нәдир ҝәләҹәкдә?
Дк. Сәмәдов: Валлаһ мәни бу ҝүн сәһәр саат 06:30-да бурахыблар. Һәлә тәзә ҝәлмишик, чыхмышыг вә биз тәбиидир ҹәмијјәтдә олан дини, иҹтимаи вә сијаси мәсәләләр илә әлагәдар онлары галдырдығымыза ҝөрә тутулмушуг вә өзүмүз дә Ислам Партијасынын, сијаси бир партијанын һәм үзвүјүк вә һәм дә мәсулијјәтини дашыјырдыг бу вахта гәдәр. Тәбиидир, сијасәт бир мәфһумдур ки, сән онун гапысыны дөјмәсин о, һәмишә сәнин гапывы дөјүр. Јәни кимсә дејә билмәз ки, биз сијасәтдән узаг ола биләрик! О, дүзҝүн бир шеј дејилдир. Амма Ислам Партијасынын бир функсионери кими, бир рәһбәри кими бундан сонракы фәалијјәтим тәбии ки, бизим силаһдашларымызын бизә олан мүнасибәтиндән аслыдыр. ИншаАллаһ белә фикир едирәм ки, әҝәр Аллаһ мәсләһәт билсә биз баҹардығымызы, неҹә дејәрләр әлимиздән ҝәлән һәр бир нә ки вар, фәалијјәтимизлә чалышаҹағыг, неҹә дејәрләр Азәрбајҹанын сијаси-иҹтимаи дурумуну мүәјјән гәдәр јахшылашдыра биләриксә, јәни ону габаға апара биләриксә тәбиидир өз ҝүҹүмүзү әсирҝәмәјәҹәјик.
Мүхбир: Сон суалымыз белә олаҹаг ки, сон илләрдә өлкә ҝүндәмини изләјирдиниз неҹә дәјәрләндирәрдиниз өз сијаси фикирләринизлә?
Дк. Сәмәдов: Валлаһ биз чох узун бир мүддәт бағлы, гапалы бир шәраитдә олмушуг, она ҝөрә бајырла чох аз бир әлагәмиз олуб, о ҹәһәтдән дә аз мәлуматланмышыг. Амма бир һәддә ону дејә биләрәм ки, Азәрбајҹан халгынын әсас проблемләриндән бириси Гарабағ проблемидир, халгымызын оғланларынын, иҝид оғланларынын васитәси илә, онларын ҝүҹү илә, онларын фәдәкарлыглары илә бу мәсәлә бир һәддә чөздү. Дүзү бизим Дағлыг Гарабағ мәсәләси һәлә там һәлл олмајыб, бу ҝүн дә биз ону ҝөрүрүк ки, онун нараһатчылығыны бу ҝүн дә јашајырыг, биз истәрдик ки, бу мүһарибәнин сона чатмасы илә дағлыг Гарабағ мәсәләси көклү сүрәтдә һәлл олсун. Бу ҝүн инди Рус гошунларынын вә јахудда ки, диҝәр сүлһмәрамлыларын Азәрбајҹанда олмасы ки, һал-һазырда Гарабағда Рус сүлһмәрамлыларыдыр, биз дә онлара мүнасибәт билдирмишик. Кашки онларын торпагларымыздан чыхмаларынын чәтинлијини чәкмәјәрдик, тәсүфләр олсун ки... Әсас мәсәлә будур вә тәбиидир ки, әҝәр ҹәмијјәтимиздә динә вә Ислама мүнасибәт јахшы олса мәнәви ҹәһәтдән халгымызын әһвал-руһијјәси һәмишә јүксәк олаҹаг. Буна һамысынын еһтијаҹы вардыр. Һәм сијасәтчинин еһтијаҹы вар, һәм ҹәмијјәтимизин диҝәр гисмәтиндә зәһмәт чәкән достларымызын һамысынын буна еһтијаҹы вардыр. Үмүд едирәм ки, халгымыз о мәнәви һәдәфләри өзүндә јашатмагла бәрабәр диҝәр мәгсәдләринә дә јетишәр.
Мүхбир: Тәшәккүр едирәм Мөвсүм бәј чох сағ олун.
Дк. Сәмәдов: Сағолун.”
Хатырладаг ки, М. Сәмәдов 02.01.2011 тарихиндә сәдирлик етдији Ислам Партијасынын конфрансында чыхыш едәрәк, мөвҹуд игтидары Азәрбајҹан дөвләтинин сијаси, иҹтимаи, игтисади вә дини көкләринә ендирдији зәрбәләри садалајараг, сүлалә һакимијјәтини кәскин тәнгид етдији үчүн 05.02.2011 тарихдә барәсиндә хулиганлыг иши ачылмыш вә 19.01.2011 тарихдә исә даһа бөјүк бөһтанла ШӘРЛӘНӘРӘК 2011-ҹи илин Октјабыр ајында 12 ил мүддәтинә һәбс ҹәзасы верилмишди.
Һәмчинин партија сәдринин мүавини Вагиф Абдуллајев 11 ил, партијанын Астара тәшкилатынын сәдри Руфулла Ахундзадә 11 ил 6 ај, Мөвсүм Сәмәдовун гајны Фирдовси Мәммәдрзајев 10 ил, әмиси оғлу Дәјанәт Сәмәдов 10 ил, Масаллы руһаниси Фәрамиз Аббасов 11 ил, Ләнкәран руһаниси Зүлфүгар Микајылзадә 5 или сынаг мүддәти олмагла 11 ил шәрти һәбс ҹәзасына мәһлум едилмишди.
Гејд едәк ки, иттиһам олунан шәхсләр барәсиндә Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән террора һазырлыг) вә 278-ҹи (һакимијјәти зорла әлә кечирмә вә ја ону зорла сахлама) маддәләри илә ШӘРЛӘНМИШЛӘР.
Диггәт: Хәбәрдән Истифадә Етдикдә Мәнбәјә Истинад Лазымдыр!