Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Шиә дүнјасынын ҝөркәмли шаирәләриндән бири олан Хуршидбану Натәванын 190 иллији Азәрбајҹанда гејд едиләҹәк.
Бунунлабағлысәрәнҹамдаверилиб. Сәрәнҹама әсасән, ҝөркәмли шаирә вә хејријјәчи Хуршидбану Натәванын 190 иллијинин гејд олунмасыны тәмин етмәк мәгсәдилә Мәдәнијјәт Назирлији Азәрбајҹан Јазычылар Бирлијинин тәклифләрини нәзәрә алмагла тәдбирләр планы һазырлајыб һәјата кечирәҹәк, Назирләр Кабинети бу Сәрәнҹамдан ирәли ҝәлән мәсәләләри һәлл едәҹәк.
Гејд едәк ки, 2022-ҹи илдә Азәрбајҹан бәдии фикринин ҝөркәмли симасы Хуршидбану Натәванын анадан олмасынын 190 или тамам олур.
Гарабағ ханлығынын сонунҹу вариси Хан гызы Натәван мәнбәјини доғма тәбиәтин ҝөзәлликләриндән алан әдәби јарадыҹылығыны халга мәһәббәт нүмунәсинә чеврилән хејријјәчилик фәалијјәти илә аһәнҝдар шәкилдә узлашдырмыш, јашадығы Шуша шәһәринин абадлығы вә мәдәни һәјатынын ҹанлылығы үчүн бөјүк зәһмәт сәрф етмиш, һуманист тәбиәтинә вә нәҹиблијинә ҝөрә таныныб фәдакарлыг вә мәрһәмәт мүҹәссәмәси кими севилмишдир. Хуршидбану Натәван Әһли-Бејт (әлејһимус сәлам) Јурду олан Азәрбајҹанын әдәбијјаты тарихиндә диггәтәлајиг јер тутан сөз усталарындандыр. Инҹәсәнәтин ајры-ајры нөвләринә дәриндән бәләд олан сәнәткар Шәрг поетик әнәнәләринә сәдагәтлә јазыб јаратмыш, мәнәви сафлыға чағыран вә инсана мәһәббәт, һәгигәтә инам һисси ашылајан, зәриф лиризмә малик вә парлаг бәдии бојаларла зәнҝин бир ирс гојуб ҝетмишдир. Онун башчылыг етдији әдәби мәҹлис өз әтрафында дөврүн габагҹыл зијалыларыны топламыш вә Гарабағ әдәби мүһитинин инкишафына ҝүҹлү тәсир ҝөстәрмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!