АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Азәрбайҹан Республикасы президенти Илһам Әлийев Јени ил мүнасибәтилә Азәрбайҹан халгына тәбрик нитгиндә билдириб: “2019-ҹу ил архада галыр. Бу ил Азәрбайҹан үчүн уғурлу ил олмушдур. Илин әввәлиндә гаршымыза гойдуғумуз бүтүн вәзифәләр уғурла иҹра едилди, Азәрбайҹан өз инкишаф йолу илә уғурла ҝедиб”
Чыхышында Дағлыг Гарабағ мүнагишәсинә тохунан дөвләт башчысы бунлары сөйләйиб:
“Ермәнистан-Азәрбайҹан Дағлыг Гарабағ мүнагишәси илә бағлы рәсми Бакынын мөвгейиндә һеч бир дәйишиклик йохдур. Азәрбайҹанын принсипиал мөвгей ондан ибарәтдир ки, бу мүнагишә Азәрбайҹанын әрази бүтөвлүйү чәрчивәсиндә өз һәллини тапмалыдыр вә бейнәлхалг һүгуг бахымындан Азәрбайҹанын айрылмаз һиссәсидир”.
Президентин демәсинә ҝөрә, ил әрзиндә мүнагишә илә бағлы Ермәнистандан чох зиддиййәтли, бир-бирини тәкзиб едән бәйанатлар сәсләнириб: “Ҝаһ дейирдиләр ки, гондарма “Дағлыг Гарабағ республикасы” мүстәгил дөвләтдир вә Азәрбайҹан бу дырнагарасы мүстәгил дөвләтлә данышыглар апармалыдыр. Бу, йаландыр, Дағлыг Гарабағ мүстәгил дөвләт дейил, һеч бир өлкә бу ганунсуз гуруму танымайыб”.
Президент мүнагишә илә бағлы сонра да дейиб:
“Әминәм ки, бизим ардыҹыл, дүшүнүлмүш сийасәт мүнагишәнин һәллинә ҝәтириб чыхараҹаг. Азәрбайҹан өз әрази бүтөвлүйүнү бәрпа едәҹәкдир.”.
Президентин демәсинә ҝөрә, 2019-ҹу ил тарихдә дәрин ислаһатлар или кими галаҹаг.
.........
340
2 yanvar 2020 - 09:29
Xəbər kodu: 998459
Азәрбайҹан Республикасы президенти Јени ил мүнасибәтилә Азәрбайҹан халгына тәбрик нитгиндә сөйләйиб, билдириб ки, Дағлыг Гарабағ Азәрбайҹанын айрылмаз һиссәсидир.
