АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Беһруз Кәмалвәнди гейд едиб ки, Иран Ислам Республикасы президентинин нүвә анлашмасы өһдәликләринин азалдылмасы үзрә дөрдүнҹү аддымын атылмасы барәдәки ҝөстәришинин ардынҹа Фордо сентрифугаларынын фәаллашдырылмасындан сонра сабит изотоплар вә уран истеһсалынын техники ҹәһәтдән бир залда проблемләр йаратмаларына ҝөрә, рус тәрәфлә мүзакирәләр апарылды.
Кәмалвәнди әлавә едиб: Техники проблемләринин арадан галдырылмасы мәгсәдилә бу лайиһәнин иҹра тәрзи барәдә мүзакирәләр ҹәрәйан етмәкдәдир.
Русийанын “РусАтом” ширкәти ҹүмә ахшамы ҝүнү бир ачыгламада билдирди ки, Фордо-да уран зәнҝинләшдирилмәсинин башланмасы илә сабит радиоизотопларын истеһсалы имканы мөвҹуд дейилдир. “РусАтом” ширкәти гейд едиб ки, бу мәркәзин истифадәчи чеврилмәси лайиһәси дайандырылыбдыр.
Русийа хариҹи ишләр назиринин мүавини Серҝей Рйабков бу ачыглама барәдә белә дейиб: Москва Иранда Фордо нүвә тәсисатлары үзрә истифадәчи дәйишиклийи лайиһәсинин иҹрасындан ваз кечмир вә бу лайиһәни тамамилә дейил, мүвәгәтти шәкилдә дайандырыбдыр.
Иранын Атом Енержиси Тәшкилаты Америка вә Авропанын нүвә анлашмасы илә бағлы сәдагәтсизликләринин ардынҹа Иранын нүвә анлашмасы өһдәликләринин азалдылмасы үзрә дөрдүнҹү аддымынын атылмасы истигамәтиндә нойабрын 7-дә МАГАТЕ-нин нәзарәти алтында Фордо-да уранын йенидән истеһсалы вә зәнҝинләшдирилмәсинә башлады.
...........
340
7 dekabr 2019 - 10:30
Xəbər kodu: 991968
Иранын Атом Енержиси Тәшкилатынын сөзчүсү, Шәһид “Мәсуд Әлимоһәммәди” адына Фордо нүвә тәсисатларында сабит изотопларын истеһсалы лайиһәсинин дайандырылмасы хәбәринә реаксийада билдириб ки, сабит изотоплар лайиһәсинин иҹра тәрзи барәдә Иран илә Русийа арасындакы мүзакирәләр ҹәрәйан етмәкдәдир.
