АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Кәрбәлада мәрҹәиййәтә дәстәк митингиндә иштиракчылар дөвләт вә өзәл әмлака еләҹә дә тәһлүкәсизлик гүввәләринә һәрһансы һүҹуму рәдд едиб, дини мәрҹәиййәтин етираз аксийаларынын динҹ формада кечирилмәсинин еләҹә дә дөвләт әмлакына һүҹум едилмәмәсинин ваҹиблийи барәдә ҝөстәришләринә тәкид едибләр.
Бәни Малик гәбиләсинин башчысы Шейх Зәрғам Әл-Малики дейиб: Мәрҹәиййәт ислаһатын еләҹә дә фикир вә мүлаһизәләрин билдирилмәсинин тәрәфдарыдыр. " Кечмишдә дә билдирмишик ки, конститусийа вә һаким системин нөгсанлары вар, конститусийада дәйишиклик едилмәли вә көклү ислаһатлар апарылмалыдыр, формал ислаһатлар йетәрли дейил. "
Ираглы сийаси фәал Әһмәд Әләван да дейиб: Дини мәрҹәиййәтин мөвгейи там айдындыр. Мәрҹәиййәт Ираг халгыны вә ислаһатларын апарылмасыны һимайә едир.
Аксийачылар һәмчинин дини мәрҹәиййәтин аксийаларын динҹ кечирилмәси еләҹә дә коррупсийанерләрин мүһакимә едилмәсинә даир ҝөстәришләринә садиг галдыгларыны вә дини мәрҹәиййәтин халгын истәкләринә дәстәк вердийинә ҝөрә она миннәтдар олдуғуну билдирибләр.
Ираглы руһани шейх Давуд Әл-Малики дейиб: Дини мәрҹәиййәт кечмишдә дә Ирагы ән бөйүк мәкирли пландан хилас етди вә әминик ки, иншааллаһ бу дәфә дә Ирагы бөһрандан хилас едәҹәк.
Бәсрәдә ән ҝениш мигйаслы аксийанын тәшәббүскарларындан олан Һазим Јусуф исә дейир: Тайфалар вә аксийачылар дини мәрҹәиййәтин аклсийаларын динҹ кечирилмәси вә дөвләт вә өзәл әмлакын мүһафизә едилмәсинә даир ҝөстәришләринә садигдирләр.
Бир чох ираглыйа ҝөрә Ирагда али дини мәрҹәиййәтин ҝөстәришләри һазыркы бөһранын һәллинин ән уйғун йолудур, һәм дә она ҝөрә ки, мүхтәлиф тәрәфләр һөкумәтин халгын тәләбләрини йеринә йетирмәкдә аҹиз галдығы барәдә ейни фикирдәдирләр.
.........
340
