АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мәһәммәд Ҹавад Зәриф БМТ Баш Ассамблейасынын 74-ҹү сессийасында иштирак етмәк үчүн сентйабрын 20-дә Нйу-Јорка дахил олду.
Зәриф вә ону мүшайиәт едән һейәт сентйабрын 16-да Нйу-Јорка сәфәр етмәли иди, амма Америка һөкумәти бир дүшмәнчилик һәрәкәтиндә Нйу-Јорка сәфәр үчүн иранлы һейәтә виза вермәйи тәхирә салды.
Доналд Трамп һөкумәтинин Иранын хариҹи ишләр назиринә гаршы санксийа вә мәһдудиййәтләринә рәғмән, Зәриф ҹүмә ҝүнү сентйабрын 20-дән шәнбә ҝүнү ахшамадәк өз хариҹи һәмкарлары, бейнәлхалг рәсмиләр, сийаси експертләр вә медиа мәнсублары илә сых ҝөрүшләр кечирди.
Зәриф Нйу-Јоркда Франса, Австрийа, Куба, Јапонийа, Пакистан, Венесуела, Финландийа, Һолландийа, Ираг, Никарагуа, Таҹикистан, Уганда, Күвейт, Сурийа, Полша, Австралийа вә Ермәнистанын хариҹи ишләр назирләри илә фикир мүбадиләси апарыб.
Иранын хариҹи ишләр назири һәмчинин Венесуеланын витсе-президенти вә хариҹи ишләр назири, БМТ Баш Ассамблейасынын сәдри, БМТ баш катибинин Сурийа мәсәләләри үзрә хүсуси нүмайәндәси вә МАГАТЕ-нин баш директору илә ҝөрүшүб.
Иран Ислам Республикасынын дипломатийа апаратынын башчысы Авропа Бирлийинин ев саһиблийи илә Сурийа иҹласында да иштирак едиб вә Чинин ев саһиблийи илә гәдим сивилизасийалар ассамблейасында чыхыш едиб.
Зәриф һәмчинин БМТ-нин Тәһлүкәсизлик Шурасында “Һөрмүз сүлһү тәшәббүсү”нү шәрһ едәрәк, Фарс Көрфәзиндә сабитлик вә сүлһүн горунмасы үзрә реҝионал һәмкарлығын ваҹиблийини вурғулайыб вә бөлҝә өлкәләринин бу тәшәббүсә гатылмаларыны истәйиб.
Иран Ислам Республикасынын президенти Һәсән Руһани чәршәнбә ҝүнү БМТ Баш Ассамблейасындакы чыхышында Иранын реҝионал вә бейнәлхалг мөвгеләрини бәйан едәрәк, “Һөрмүз сүлһү тәшәббүсү” вә йа “Үмид коалисийасы” адлы реҝионал сүлһ лайиһәсини тәгдим етди.
.........
340
