(ABNA24.com) Доһайа сәфәр етмиш Иран Ислам Республикасынын хариҹи ишләр назири Мәһәммәд Ҹавад Зәриф Гәтәрин хариҹи ишләр назири Муһәммәд бин Әбдуррәһман илә ҝөрүшдә Иран вә диҝәр бөлҝә өлкәләринин Фарс Көрфәзиндә тәһлүкәсизлийин бәргәрарында мәсулиййәт дашыдыгларыны билдириб.
Зәриф һәмчинин Иран-Гәтәр мүнасибәтләринин бүтүн саһәләрдә, о ҹүмләдән сийасәт вә игтисадиййат саһәләриндә инкишаф хәтти илә ирәлиләдийини билдириб вә ики өлкәнин бөлҝә олайлары барәдәкы ардыҹыл мәшвәрәтләрини реҝионал бир еһтийаҹ кими зәрури адландырыб.
Гәтәрин хариҹи ишләр назири Муһәммәд бин Әбдуррәһман да бу ҝөрүшдә Теһран-Доһа өзәл мүнасибәтләриндән разылыг ифадә едиб. О, бөлҝә проблемләринин һәлли үчүн диалог үнсүрүнүн ҝүҹләндирилмәси истигамәтиндә бирҝә әмәкдашлыға, һәмчинин ики өлкәнин реҝионда сүлһ вә сабитлийин бәргәрарындакы ролуна тәкид едиб.
Дүнән Гәтәр рәсмиләрилә ҝөрүшмәк мәгсәдилә бу өлкәнин пайтахты Доһайа дахил олмуш Иранын хариҹи ишләр назири дүнән ҝеҹә дә Гәтәр хариҹи ишләр назиринин шам зийафәтиндә иштирак едибдир.
.......
340
13 avqust 2019 - 06:59
Xəbər kodu: 968465
Иранын хариҹи ишләр назири билдириб ки, һәрби коалисийалар өнҹәдән мәғлуб олублар. О, вурғулайыб ки, әҹнәби гүввәләр бөлҝәдә әмин-амансызлыға баис олурлар.
