Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Америкадакы марагларыны горујан офисин башчысы билдириб ки, он бир ҝүн бундан өнҹә Америкаја дахил оларкән һәбс олунмуш Пресс ТВ-нин апарыҹысы Мәрзијјә Һашими азад едилиб.
Меһди Атефәт бу ҝүн сәһәр тездән ЫРНА илә мүсаһибәдә дејиб: Пресс ТВ-нин апарыҹысы чәршәнбә ҝүнү ахшам АБШ һөкумәтинин һәбсиндән азад едилиб.
Меһди Атефәт әлавә едиб: Иранын Америкадакы марагларыны горујан офис Мәрзијјә Һашиминин һәбс олунмасынын елә әввәлиндән мәсәләнин һүгуги ҹәһәтләрини ҹидди шәкилдә изләјиб вә әлагәдар мәркәзләрлә тәмасда олубдур.
Иранын Америкадакы марагларыны горујан офисин башчысы вурғулајыб: Америка федерал полис башчыларынын билдирдикләринә әсасән, Мәрзијјә Һашимијә гаршы һеч бир иттиһам ирәли сүрүлмүр вә о, јалныз бир шаһид кими һәбс олунмушду вә бу үздән, прогноз едилирди ки, о, чәршәнбә ҝүнү мәһкәмәдә шәһадәт верәндән сонра азад едиләҹәк.
Меһди Атефәт һәмчинин дејиб: Америкада Ислам Үммәти Һәрәкатынын ҹидд-ҹәһдләри вә Вашингтонда кечирилән аксијалар Пресс ТВ мүхбирини азадлығында тәсирли олубдур.
Пресс ТВ каналынын Америка әслли апарыҹысы, мүхбири, сәнәдли филмләр јарадыҹысы вә диктору Мәрзијјә Һашими һеч бир дәлил олмадан јанварын он үчүндә Американын Сент-Луис һава лиманында һәбс олунараг, зиндана көчүрүлмүшдү.
Диггәт: Хәбәрдән истифадә етдикдә мәнбәјә истинад лазымдыр
