Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Президенти Һәсән Руһани Иран, Түркијә, Русија, Чин, Әфганыстан вә Пакистан парламент сәдрләринин иштиракы илә кечирилән конфрансдада чыхыш едиб.
Һәсән Руһани чыхышы заманы, "Иран олараг террорун ән бөјүк гурбаны һалына ҝәлмишик. Хариҹи өлкәләрдән ҝәлән террорчулар тәрәфиндән шәһид едилән нүвә алимләримиз, ИШИД-ин парламент бинасына һүҹуму, Әһваз террору вә ики ҝүн әввәл Чабаһарда баш верән террор акты Иран милләтинин террора гаршы апардығы мүбаризәни әсла дајандырмајаҹаг", - дејә билдириб.
Руһани Иран, Түркијә, Русија, Чин, Әфганыстан вә Пакистан парламент сәдрләринин иштиракы илә кечирилән конфрансдакы чыхышыны белә давам едиб: "АБШ-ын Иран әлејһинә санксијалары халгымызы һәдәф алан ачыг бир террор нөвүдүр. Бир өлкәни горхутмагла бирликдә диҝәр өлкәләри дә бу ишә аләт етмәк бир нөв игтисади террордур. АБШ-ын нүвә разылашмасындан чәкилмәсијлә Иран милләтинә гаршы санксијалар тәтбиг етмәси, һеч шүбһәсиз, игтисади террорун ән бариз әламәтидир".
Диггәт: Хәбәрдән истифадә етдикдә мәнбәјә истинад лазымдыр
