Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәудијјә режиминин вәлиәһди Мәһәммәд бин Сәлманын Инҝилтәрәјә сәфәри, Лондонда баш назирлик бинасы өнүндә етиразла гаршыланды.
Бин Сәлманын Инҝилтәрәјә планлашдырылан зијарәти бир һәфтәдир Инсан Һаглары тәшкилатлары, Мүһарибә вә Силаһларын Јајылмасы Әлејһинә гурумлар тәрәфиндән тәшкил едилән күтләви нүмајишләрлә етираз едилир. Белә ки, үзәриндә "Мүһарибә Ҹинајәткары Мәһәммәд бин Салман Инҝилтәрәдә Гаршыланмыр" јазы олан јүк машынлары нәһәнҝ рекламлары Лондонун күчәләриндә ҝәздирирләр.
Бундан әлавә нүмајишчиләр, Инҝилтәрәдән мүһарибә ҹинајәткарларыны өлкәјә гәбул етмәмәсини тәләб едирләр. Онлар ејни заманда Јәмәндә ҝүнаһсыз мүлки инсанларын ганыны ахыдан Сәудијјә режиминә силаһ ҝөндәрмәјин дајандырмасыны да тәләб едибләр.
Мәлум олдуғу кими, Гәрб дүнјасы бу ҝүнә кими Сәудијјә режиминин Јәмәндә вә с өлкәләрдә төрәтдији ҹинајәтләрә ҝөз јуммагдадыр. Бу режим бу ҝүнә гәдәр Јәмәндә минләрлә ушаг, гадын вә гоҹаны һәлак етмиш, Инҝиләтәрә, гондарма исраил режими вә АБШ-дан алдығы вә мүһарибәдә истифадә едилмәсинә гадаға гојулан силаһлара динҹ сакинләри гәтлиам едир.
Диггәт: Хәбәрдән истифадә етдикдә мәнбәјә истинад лазымдыр
