Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Британија ордусунун Јәмәнә гаршы мүһарибә апаран Сәудијјә Әрәбистаны әсҝәрләринә тәлим кечдијини әкс етдирән ҝөрүнтүләр ортаја чыхыб.
" The Daily Mail "-ин бу барәдә дәрҹ олунан хәбәриндә Британија ордусу әсҝәрләри тәрәфиндән "Көндәлән Әмәлијјат" шәрти ады илә сәһвән јајымланан ҝөрүнтүләрдән сонра Инҝилтәрәнин Сәудијјә Әрәбистаны әсҝәрләринә тәлим кечдији истигамәтиндә јајылан хәбәрләр тәсдигини тапыб.
Белә ки, ајын әввәлиндә 2 шотланд әсҝәр тәлимдән ҝөрүнтүләри шәхси " Facebооk " һесабларында пајлашыб. Ҝөрүнтүләрдән бириндә инҝилтәрәли әсҝәрин хәритәдә Сәудијјә әсҝәрләринә дөјүш стратеҝијасыны изаһ етдији ҝөрүлүр.
Фотолары ҝөрән журналистләр Британија Мүдафиә Назирлијинин мәсәлә барәдә мөвгејини өјрәнмәјә чалышдыгдан 20 дәгигә сонра шәкилләр " Facebооk" һесабларындан силиниб.
" The Daily Mail "-ин мәлуматында 50 Инҝилтәрә һәрбчисинин Јәмәнлә өн ҹәбһәдә Сәудијјә әсҝәрләринә тәлим кечдији гејд олунуб.
Инҝилтәрә парламентинин милләт вәкили Ендрју Митчел Сәудијјә Әрәбистанынын мәзлум Јәмән халгына гаршы апардығы чиркли мүһарибәдә өлкәсинин краллыг режиминә силаһ сатмасыны, һабелә тәлим кечмәсини рүсвајчы сијасәт адландырыб.
Диггәт: Хәбәрдән истифадә етдикдә мәнбәјә истинад лазымдыр
