Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ирагын баш назири Һејдәр Әл-Әбади Иран Ислам Республикасына рәсми сәфәри чәрчивәсиндә, октјабрын 25-и ахшам саатларында Теһрана ҝәлиб.
Јүксәк сәвијјәли бир һејјәтлә Теһрана ҝәлән Ирагын баш назири Һејдәр Әл-Әбадини ИИР-ын мәдән, тиҹарәт вә сәнаје назири Муһәммәд Шәриәтмәдари гаршылајыб.
Баш назир Әл-Әбадинин Теһран сәфәриндә Иран Ислам Республикасынын президенти Һәсән Руһани илә јанашы, бәзи јүксәк сәвијјәли рәсмиләрлә ҝөрүшәҹәји билдирилир. Ҝөрүшләрин әсас ҝүндәм маддәләринин Шимали Ираг референдуму, Теһран-Бағдад мүнасибәтләри вә Ирагдакы сон просесләр олаҹағы еһтимал олунур.
Гејд едәк ки, октјабрын 26-ы сәһәр саатларында Ирагын баш назири Али дини рәһбәр Ајәтуллаһул-үзма Сејид Әли Хаменеи тәрәфиндән гәбул олунуб.
Диггәт: Хәбәрдән истифадә етдикдә мәнбәјә истинад лазымдыр
