Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мјанмада јашајан Руһинҝијалы көрпәләрин һәјаты ҹидди тәһлүкә алтындадыр. Сојҹа Мјанмалы олан лакин Мүсәлман олдугларына ҝөрә, бу халга бу ҝүнә кими һеч бир вәтәндашлыг верилмәјәнләр өлкәјә һаким кәсилмиш гаты буддистләр тәрәфиндән вәһшиҹәсинә өлдүрүлмәклә јанашы һәм дә, һәртәрәфли быокадаја алынмышлар. Бунун нәтиҹәсиндә аҹлыг вә сусузлугдан өлүмлә үзләшмәли оланларын арасында тәкҹә 5 јашдан аз олан Руһинҝијалыларын сајы 80 мин көрпәни кечир. Тәҹили сүрәтдә Мјанмар Мүсәлманларына тибби хидмәтләрин вә сағлам гидаларын чатдырылмасы ҝәрәкдир.
The Guardian газетинин јахдығына ҝөрә, БМТ Мјанма Мүсәлманлары илә бағлы вердији ачыгламасында билдириб: “Тәкҹә Манҝуду шәһәриндә вәзијјәт о дәрәҹәдәдир ки, 24 саат әрзиндә һеч бир Мүсәлман евиндә јемәјә бир гида мәһсулу тапылмајыр.”
Мјанмада, Мүсәлманларын дөвләт структурларынын бир баша мүшајиәти вә дәстәји илә, буддистләр тәрәфиндән амансызҹасына һәлак едилиб дири-дири јандырылмасы, әтләринин јејилмәси кими фактларын мејдиаја чыхмасындан сонра нәһајәт 2016 –ҹы илдә БМТ өзүнүн вердији хүсуси мәрузәсиндә Руһинҝијалы Мүсәлманларын аҹлыг вә сусузлугдан тәләф олмаг фактларыны гәбул етмишдир.
БМТ бу һагда дејиб: “Мјанма дөвләти рәсми олараг БМТ-нин нүмајәндәләрини бу өлкәјә ҝәлиб, мүнагишәли зоналарда мәсәләнин арашдырмасына, һабелә Руһһинҝијалы гадын вә ушагларын дөвләт гуллугчулары (полис вә һәрбичиләр) тәрәфиндән ҹинси тәҹавүзләрә галмасына, гәтлә јетирилиб ишҝәнҹәләр верилмәси кими фактларын мүәјјәнләшдирилмәсинә гәти гадаға гојуб.”
Диггәт: Хәбәрдән истифадә етдикдә мәнбәјә истинад лазымдыр
