Дүнән Азәрбајҹан Ислам дүнјасында үч мараглы хәбәрдән јәгин ки, сизин дә хәбәриниз вар. Јохдурса мәгаләни охудугҹа инанырам ки, сиз дә мәним кечирдијим һиссләри кечирәҹәк вә авамҝүнә инсанларын “ҹәннәт вә ҹәһәннәм елә бу дүнјададыр” сөзүнүн маһијјәтини дадаҹагсыныз. Демәли биринҹи әҹаиб хәбәрдарлыг бундан ибарәтдир ки, евләрдә кимәсә Гуран дәрси демәк олмаз. Имза: Дини Гурумларын намаз гылмајан сәдри Мүбариз мүәллим. Нијә олмаз? Нијәси ҹүрүјү чыхмыш радикаллыг мөвзусудур. Ҝүја евдә кимәсә Гуран өјрәдәндә она радикаллыг да өјрәдәрләр. Беләдә ки, Гуран елә башдан ајаға “радикаллыг”ла долудур. Зүлмә бојун әјмәмәк, залыма гаршы чыхмаг, Пејғәмбәрин достларына гаршы меһрибан, дүшмәнләринә гаршы мүбариз олмаг, әманәтә хәјанәт етмәмәк, сахтакарлыг етмәмәк, рүшвәт алмамаг, сәләм вә фаиз вермәмәк вә, вә, вә. Нә исә.
Ыкинҹи әҹиб-гәриб хәбәр исә молла вә ахундларын ГМИ тәрәфиндән медал вә гәләмлә тәлтиф олунмасыдыр. Дејирәм: Дағыл а дүнја! Бир тәрәфдә Шејх Сәрдар Һаҹыһәсәнлини намаз гылдығы үчүн һәбс елә, диҝәр тәрәфдән исә диҝәринә медал вер. Демәк ки, бу өлкәдә намаз гылдығы үчүн кимсә һәбс олунмур, һәбс олунан сарај категоријасындан хариҹдә галанлардыр. Азәрбајҹанлы адәт-әнәнәсинә әсасән бу мөвзунун да үзәриндән “әшшши” дејиб кечәрәк үчүнҹү хәбәрә диггәтимизи јөнәлдәк.
Шејхүлислам һәзрәтләри ГМИ-дә кечирилән тәдбирдә дин хадимләринә истәр мәтбуата ачыгламаларда, истәрсә дә хүтбәләрдә Азәрбајҹандан башга, диҝәр өлкәләрдәки һәр һансы проблем барәдә данышмамаг тапшырығыны вердијини билдириб.
О гејд едиб ки, бундан сонра дин хадимләри бу мәсәләдә гәти диггәтли олмалыдырлар: “Тапшырмышам ки, анҹаг Азәрбајҹанда баш верәнләрлә бағлы данышсынлар, фикирләрини билдирсинләр, башга өлкәләрин ишинә гарышмасынлар. Үмумијјәтлә, диндарлар өзбашына бәјанат вермәсинләр”.
Дејирәм Шејхин ҹүмләләриндәки “бәјанат”, “мәтбуата ачыглама”, “хүтбә” сөзләри адамы шәккә салмаја билмир. Ахы Шејх бу тапшырығы үзүмүзә ҝәлән Рамазан ајы илә бағлы тәдбирдә дејиб. Мәсәлә ајдындыр. Сөһбәт Ислам дүнјасынын ән ҝөркәмли шәхсијјәтләриндән олан Иран Ислам Ингилабынын Рәһбәри Имам Хомејнинин (р.ә) ҝөстәриши әсасында мүбарәк Рамазанын ајынын сон һәфтәсиндәки Гүдс ҝүнүндән ҝедир. Гүдс ҝүнү Имам Хомејни (р.ә) тәрәфиндән зүлмә етираз, мәзлум Фәләстин халгына дәстәк үчүн кечирилән иҹтимаи јүрүшдүр.
Бу тәдбир илк дәфә Иран Ислам Республикасында кечирилсә дә сонралар бир чох мүсәлман вә гејри-мүсәлман өлкәләриндә мүсәлманлар тәрәфиндән ҝениш сурәтдә гејд олунмушдур. Ҝөрүнүр Рамазан ајы ҝәлмәмиш бәзиләринин күркүнә артыг бит дүшүб. Ҹәнаб шејхи билмирәм, амма биз мүсәлман олараг бүтүн мүсәлманларын һалына аҹымалы, онларын дәрдинә шәрик олмалыјыг. Һәтта ҹәнаб шејх һәзрәтләри узун илләрдир ки, Гүдс мәрасимини өзү дә гејд едир. Ынди неҹә олур ки, бирдән бирә бүтүн моллаларына диҝәр мүсәлман гардашларынын һалына јанмамағы, инсанлары мүсәлманларын башларына ҝәлән мүсибәтләрдән хәбәрдар етмәмәји, мүсәлманлара зүлм едәнләри мәһкум етмәји гадаға гојур? Сизҹә нә баш верир?
Мәҝәр өлкәмиздә ики ҝүн өнҹә Ислам Һәмрәјлик ојуну кечирилмәдими? Онда белә чыхыр ки, милјонларын баһасына, халгын әзијјәтләрининин баһасына баш тутан тәдбирин маһијјәти анҹаг идманда атылыб-дүшмәкдән ибарәт олуб? Мәнҹә бу белә дејил. Ислам вә һәмрәјлик сөзүнүн әсас маһијјәти елә вәһдәт, дәрдә шәрик олмаг, меһрибанлыг, һәмдәрд олмаг демәкдир... Бир Гүдсә ҝөрә милјонлар баһасына баш тутмуш дөвләт әһәмијјәтли тәдбирин маһијјәтини суал алтына апармаг нә дәрәҹәдә дүздүр? Мәҝәр сизин вә Дини Гурумларла ахунд вә имамлар үчүн һазырладығыныз китабын биринҹи мөвзусу “Аллаһа иман”, икинҹи мөвзусу “әдаләт”, үчүнҹү мөвзусу исә “Гурани-Кәримин маһијјәти” дејилми? Мәҝәр Гурани-Кәрим бизә Аллаһын ипиндән мөһкәм јапышараг, ајрылмамағы әмр етмирми?
Диҝәр тәрәфдән исә билдијиниз кими ҹүмә намазы әхлаг дәрси дејил, иҹтимаи хүтбәләрдән ибарәтдир. Һәрчәнд ки, бу ҝүн әхлаг дәрси јеринә ҹүмә намазындан өнҹә данышылыр. Һәмин ахундлар нә үзлә әдаләтдән данышсынлар ки, һал -һазырда сизин кими хариҹдә тәһсил алмыш вә сизин кими башында Пејғәмбәр (с) әммамәси олан руһани алимләр, Гуран һафизи гејри-адекват вә гондарма иттиһамларла үз-үзәдирләр.
Аллаһ-таала Ниса сурәсинин 58-ҹи ајәсиндә бујурур: Аллаһ сизә әманәтләри өз саһибләринә гајтарманызы вә инсанлар арасында һөкм етдијиниз заман әдаләтлә һөкм етмәнизи әмр едир. Аллаһ сизә ҝөзәл нәсиһәтләр верир. Аллаһ (һәр шеји) ешидәндир, ҝөрәндир!
Һансы мәһкәмәдә бу вахта кими һәбс олан диндар вә руһани барәсиндә әдаләтли һөкүм чыхарылыб? Һансы вәкилин галдырдығы вәсадәт мәһкәмә тәрәфиндән тәмин олунуб? Мәҝәр Гуран бизә әдаләтлә һөкм етмәји әмр етмир? Гурани Кәримин диҝәр ајәсиндә Аллаһ-таала бујурур:
Һәгиги мөминләр анҹаг Аллаһа вә Онун елчисинә иман ҝәтирән, сонра һеч бир шәкк-шүбһәјә дүшмәјән, Аллаһ јолунда маллары вә ҹанлары илә ҹиһад едәнләрдир! Онлар доғру данышанлардыр(Һүҹурат 15)
Гураны охудугҹа дүшүнүрәм ки, бу өлкәдә һәбсә атылаҹаг вә барәсиндә данышылаҹаг вә барәсиндә һөкүм чыхарылаҹаг јалныз бир вүҹуд вар. О да Аллаһын өзүдүр. Ҝедин Аллаһы һәбс един.
Емил Раһилоғли
Диггәт: Хәбәрдән истифадә етдикдә мәнбәјә истинад лазымдыр
