Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Һиҹри Гәмәри тәгвими илә 33-ҹү ил, Шәбан ајынын 11-и, Имам Һүсејн әлејһис-сәламын Пејғәмбәрә бәнзәр оғлу, Бәни Һашим тајфасынын парлаг ҹаваны олан һәзрәт Әли Әкбәрин (әлејһи сәлам) мүбарәк мөвлуду ҝүнүдүр. Онун анасы, лејла бинти Мәррә Сәгәфи иди.
Биз АБНА оыараг бу шәрәфли ҝүн мүнасибәтилә башда Имам Зәман (Аллаһ Онун шәрәфли зүһуруну тезләшдирсин) һәзрәтләри башда олмагла һагг наиби һәзрәт Ајәтуллаһ Хаменеи, али тәглид мәрҹәләри вә бүтүн Әһли Бејт севәр мөминләри тәбрик едирик.
Һәзрәти Әли Әкбәр (әлејһи сәлам) ҹаван олмасына бахмајараг, атасы Имам Һүсејн (әлејһи сәлам) илә Кәрбәлада рәшадәт ҝөстәрәрәк, адыны шанлы Ислам тарихинә гызыл һәрфләрлә јазмышдыр.
Һәзрәт Әли Әкбәр Имам Һүсејнин (әлејһи сәлам) бөјүк оғлу олдуғу үчүн она Әли Әкбәр, јәни "бөјүк Әли” дејилир. Әли Әкбәрин (ә) кичик гардашларынын да адлары Әли олуб, Әли Әвсәт Имам Зејнулабидин (әлејһи сәлам) – "ортанҹыл Әли” вә Әли Әсғәр (әлејһи сәлам) ("кичик Әли”).
Рәвајәтләрә ҝөрә, Әли Әкбәр (әлејһи сәлам) истәр заһири бәдән гурлушу, истәрсә дә давранышлары вә әхлагы илә Пејғәмбәрә (сәлләллаһу әлејһи вә алиһи вә сәлләм) чох бәнзәјирди. Белә нәгл олунур ки, бир ҝүн бир христиан Мәдинәдә Пејғәмбәрин (с) Мәсҹидинә дахил олду. Лакин она дедиләр ки, сән мәсиһисән чөлә чых.
Деди ки, чыхмарам! Дүнән ҝеҹә (јухуда) һәзрәт Муһәммәди (сәлләллаһу әлејһи вә алиһи вә сәлләм) вә һәзрәт Исаны (ә) ҝөрдүм. Һәзрәт Иса (әлејһи сәлам) мәнә деди ки: "Бу сон Пејғәмбәр Һәзрәти Муһәммәддир. Буна вә дининә иман ҝәтир.” Мән дә инди һәгигәтән она бағланмаға вә иман ҝәтирмәјә ҝәлмишәм.”
Она дедиләр ки, Ислам Пејғәмбәри дүнјасыны тәрк едиб лакин нәвәси Имам Һүсејн бурдадыр. Имам Һүсејн (әлејһи сәлам) ҝәлән кими мәсиһи Онун ајагларына гапаныб вә һадисәни Она данышды. Имам Һүсејн (ә.с) бујурду ки: "Бабам Пејғәмбәр (сәлләллаһу әлејһи вә алиһи вә сәлләм) дүнјасыны тәрк етди, лакин истәјирсән сәнә Она бәнзәјәни ҝөстәрим.
О вахт ушаг јашда олан вә үзүнә нигаб бағладығы оғлу һәзрәт Әли Әкбәри ҝәтирди. Онун үзүнү ачан кими буну ҝөрән о мәсиһи аһ чәкәрәк ағлајыб өзүндән ҝетди.
Имам Һүсејн бујурду ки: Үзүнә су сәпин. Мәсиһи өзүнә ҝәлдикдән сонра Имам Һүсејн (әлејһи сәлам) она бујурду ки: Бу оғлум, бабам Пејғәмбәрә бәнзәјирми?
Деди: "Аллаһа анд олсун ки бәли, чох бәнзәјир!”
Имам Һүсејн бујурду ки: "Сәнин белә бир оғлун олса вә ајағына тикан батса нә едәрсән?”
Мәсиһи деди ки: "Өләрәм еј ағам. Дејәрәм ки, мән өлүм ама о оғлума бир шеј олмасын.”
Имам Һүсејн (әлејһи сәлам) бујурду ки: Сәнә хәбәр верим. Бу оғлум бир ҝүн гылынҹлар алтында парча парча олаҹагдыр...”
Һәзрәт Әли Әкбәр аға да Кәрбәла мәктәбинин, о вәфа мәктәбинин өрнәкләриндәндир. Кәрбәлада Имам Һүсејнин (әлејһи сәлам) гардашы Һәзрәт Әббас (әлејһи сәлам) вә оғлу Әли Әкбәр (әлејһи сәлам) гадынлар вә ушагларын мүһафизәсинә рәһбәрлик едир, лазым ҝәләндә сујун гаршысынын дүшмән тәрәфиндән кәсилмәсинә бахмајараг, бөјүк шүҹаәт нүмајиш етдирәрәк, мүһасирәдә оланлара су ҝәтирирдиләр.
Аллаһ-тәала бизләрә дүнјада о һәзрәтин зијарәтиндән, ахирәтдә исә шәфаәтиндән бинәсиб еләмәсин вә бизләри Муһәммәд вә Али Муһәммәдин јолунда сабитгәдәм оланлардан гәрар версин!
Диггәт: Хәбәрдәнистифадәетдикдәмәнбәјәистинадлазымдыр
