Әһлибејт (ә) ХәбәрАҝентлији - Јухарыда адлары чәкилән сајтлара ҝиришин блокланмасы тәләби илә мәһкәмәјә мүраҹиәт едән Нәглијјат, Рабитә вә Јүксәк Технолоҝијалар Назирлијинин нүмајәндәси Бәхтијар Мәммәдов мајын 1-дә мәһкәмәдә бу һагда билдириб.
Әслиндә, сајтлара ҝиришин мәһдудлашдырылмасы үчүн мәһкәмәјә әризә илә назирлијин нәздиндә фәалијјәт ҝөстәрән Електрон Тәһлүкәсизлик Мәркәзи мүраҹиәт едиб.
Сәбаил Рајон Мәһкәмәсиндә һаким Нурәддин Бағыровун сәдрлији илә кечирилән иҹласда һәм назирлијин нүмајәндәси Бәхтијар Мәммәдова, һәм дә Електрон Тәһлүкәсизлик Мәркәзинин нүмајәндәси иштирак едирди.
Блокланмасы тәләб олунан сајтлардан “азадлиг.info”ну Сәмәд Рәһимли, “азадлиг.org”у вәкил Адил Исмајылов, “мејдан.тв”ни вәкил Елчин Садыгов, “Азәрбајҹан сааты” вә “Туран ТВ”ни исә Ҹавад Ҹавадов тәмсил едирди.
Елчин Садыгов билдириб ки, бир һалда ки, әризәни Електрон Тәһлүкәсизлик Мәркәзи вериб вә бу гурумун нүмајәндәси дә иштирак едир, назирлик бу ишдә тәрәф ола билмәз.
Һаким дејиб ки, мәһкәмә өзү назирлији ҹәлб едиб. Вәкил дә билдириб ки, бу һалда, мәһкәмә өз гәрары һагда мараглы тәрәфләр олан сајтлары да мәлуматландырмалыјды. Һаким даһа сонра әризәчинин әсл иддиачы илә әвәз олунмасы һагда гәрар гәбул едиб. Әсл иддиачы исә Нәглијјат, Рабитә вә Јүксәк Технолоҝијалар Назирлији олуб.
Даһа сонра Назирлијин нүмајәндәси Бәхтијар Мәммәдов тәләбләрини әсасландыраркән билдириб ки, Закир Гараловун имзасы илә мартын 27-дә назирлијә мәктуб дахил олуб. Мәктубда ҝөстәрилиб ки, сөзүҝедән сајтларда өлкәнин конститусион гурулушунун зорла дәјишдирилмәсинә, деструктив һәрәкәтләрә чағырыш, радикал дини групларын тәблиғинә јөнәлик материаллар јајымланыр. Һәмин материаллар дөвләтин вә ҹәмијјәтин ганунла горунан марагларына тәһдид јаратдығына ҝөрә тәхирәсалынмаз тәдбир ҝөрүлмәси истәнилиб.
Назир Рамин Гулузадә дә прокурорлугдан ҝәлмиш бу мәктуб әсасында елә һәмин ҝүн тәхирә салынмадан тәдбир ҝөрүб – өлкә әразисиндә һәмин сајтлара ҝириш мәһдудлашдырылыб.
Назирлик тәмсилчисинин сөзләринә ҝөрә, мајын 27-дә прокурорлугдан ҝәлән мәктуба сајтларда ҝедән конкрет мәгаләләр дә әлавә олунуб. Бәхтијар Мәммәдов мәгаләләрин сурәтини сајтларын нүмајәндәләринә тәгдим едиб.
Амма сајтларын марагларыны тәмсил едән вәкилләр һеч бир һүгуги тәсдиги олмајан вәрәгләрин сүбут кими гәбул олунмасына етираз едибләр. Билдирибләр ки, әввәла, Баш Прокурорун мәктубундан гошма јохдур. Әҝәр сөзүҝедән јазылар мәктубда јазыланлары әсасландырмаг үчүн сүбутдурса, мүтләг гошма олмалыјды. Икинҹиси, о јазыларын неҹә, һансы шәраитдә чыхарылмасы да мәлум дејил.
Ән әсасы, назирлијин нүмајәндәси дејир ки, јазылар да прокурорлугдан мәктубла бирликдә мартын 27-дә онлара дахил олуб, онлар да прокурорлуғун мөвгејинә әсасланыб, сајтлары блоклајыблар. Һалбуки, јазылар арасында мартын 27-дән сонра јајымланан материаллар вар. Бу неҹә ола биләр? Конкрет нүмунә дә вар, “азадлиг.инфо”да мартын 28-дә јајымланан “Халг, мән варам” башлыглы мәгалә.
Назирлијин нүмајәндәси бу зиддијјәти әсасландыра билмәјиб.
Јахуд “Азадлыг” радиосунун “Сон ики ҝүндә дөрд нәфәрин өзүнү өлдүрдүјү дејилир” башлыглы мәгаләси дә сән демә, “дөвләтин вә ҹәмијјәтин ганунла горунан марагларына тәһдид” имиш.
Адил Исмајылов әризәчи тәрәфин нәзәринә чатдырыб ки, гануна ҝөрә, мәһдудлашдырма гәрарындан әввәл сајта хәбәрдарлыг олунмалыјды. Амма белә бир хәбәрдарлыг јохдур.
Адил Исмајыловун суалларына ҹаваблардан мүәјјәнләшиб ки, Нәглијјат, Рабитә вә Јүксәк Технолоҝијалар Назирлији Баш Прокурорлугдан дахил олан мәктубла кифајәтләниб, өзләри һеч бир арашдырма апармадан Гараловун фикри илә елә һәмин ҝүн блоклама гәрары верибләр.
“Прокурорлуг кимисә иттиһам едир, мәһкәмәјә ҝөндәрир. Амма мәһкәмә о адамын тәгсирсиз олдуғу гәнаәтинә ҝәлир, адама бәраәт верир. Прокурорлуғун јаздығы Гуран әјәси дејил ки… Сиз нијә арашдырма апармамысыз?”, – дејә вәкил Адил Исмајылов сорушуб.
Иддиачынын нүмајәндәси билдириб ки, прокурорлуғун әсасландырмасы илә кифајәтләнибләр.
Вәкил Елчин Садыгов сорушуб ки, әҝәр назирлик мартын 27-дә блоклама гәрары верибсә, бәс нијә назирлијин мәтбуат хидмәти ондан сонракы ҝүнләрдә мәтбуата ачыгламасында сајтларын ачылмасында јаранмыш проблемин назирликлә һеч бир әлагәси олмадығыны билдириб јалан информасија верирди?
Бәхтијар Мәммәдов билдириб ки, о, бу суала ҹаваб верә билмәјәҹәк, суалы мәтбуат хидмәти өзү ҹавабландыра биләр.
Бундан әлавә, мәлум олуб ки, башга сајтларла бағлы әсассыз олса да, һансыса јазылар ортаја гојулса да, “Туран ТВ” илә бағлы үмумијјәтлә һеч нә јохдур.
Тәрәфләр арасында суал-ҹаваб заманы о да ајдын олуб ки, Електрон Тәһлүкәсизлик Мәркәзиндә лингвистика мәшғул олан мүтәхәссисләр јохдур. Она ҝөрә дә “азадлиг.инфо”нун нүмајәндәси, вәкил Ҹавад Ҹавадов лингвистик експертиза тәјин олунмасы, һәмчинин прокурорлуғун да үчүнҹү тәрәф гисминдә просесә ҹәлб олунмасы һагда гәрар гәбул едиб.
“Дејирләр ки, прокурорлуғун мәктубуну әсас ҝөтүрүбләр. Өзләри һеч бир арашдырма апармајыблар. Инди дә нә сорушуруг, дејирләр, прокурорлугдур. Она ҝөрә хаһиш едирик, просесә прокурорлуг ҹәлб олунсун, суалларымызы ҹавабландырсын”, – дејә Ҹавад Ҹавадов билдириб. Һаким Нурәддин Бағыров билдириб ки, һәм лингвистик експертиза, һәм дә прокурорлуғун просесә ҹәлби мәсәләсинә нөвбәти мәһкәмә иҹласында бахылаҹаг. Һаким ејни заманда, назирлијин нүмајәндәсинә нөвбәти мәһкәмәјә гәдәр сүбутлары бир даһа нәзәрдән кечирмәји, иддиа тәләбини дәгигләшдирмәји төвсијә едиб. Мәһкәмә мајын 3-дә давам едәҹәк.
