Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Британијанын Мүдафиә назири Мајкл Феллонун нүвә зәрбәси ачыгламасына сәрт ҹаваб верилмәлидир.
Бу сөзләри өз Фејсбук сәһифәсиндә Русија Федерасија Шурасынын Тәһлүкәсизлик вә Мүдафиә Комитәсинин сәдр мүавини Франс Клинчевич пајлашыб.
“Ән јахшы һалда Феллонун бәјанатына психоложи мүһарибәнин елементи кими бахылмалыдыр. Әкс һалда доғру суал јараныр. Британија нүвә силаһыны кимә гаршы тәтбиг етмәјә һазырдыр? Әҝәр буну нүвә силаһына малик башга өлкәјә гаршы етсә, о заман бөјүк әразијә малик олмајан Британија ҹаваб зәрбәси илә Јер үзүндән силинәҹәк”, – дејә о билдириб.
Гејд едәк ки, дүнән Британија Мүдафиә назири Мајкл Феллон өлкәсинин илк нүвә зәрбәсини ендирмәјә һазыр олдуғуну билдириб.
Диггәт: Хәбәрдән истифадә етдикдә мәнбәјә истинад лазымдыр
