Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, дүнјанын бир чох јурдларында олдуғу кими Талыш Дијары да, дүнја шөһрәтли Сәркәдәләр, Даһиләр әрсәјә ҝәтириб.
Белә ки, бу дәфә ики фәфә Совет Иттифагы гәһрәманы ҝенерал Һәзи Асланов кими Азәрбајҹанын вә хүсусән дә талышларын дүнја сәвијјәли фәхри олан даһа бир ҝенерал Кәрим Кәримов һаггында гыса мәлумат вермәк истәрдик.
О, 14 нојабр, 1917-ҹи илдә Бакыда дүнјаја ҝәлиб. Атасы Аббас-Әли Кәринов мүһәндис олуб. Ҝенерал Кәрим Кәримов әслән Ләнкәранын Болади кәндиндәндир. Азәрбајҹанын фәхри олса да инди онун һаггында чох аз јазылыр вә онун һәјаты аз ишыгландырылыр. О, космонавтика үзрә совет алими вә мүһәндиси олуб.
Кәрим Кәримов совет космик програмынын банисләриндән олуб вә космосун тәһгигатында бөјүк төһвәси вар. Мәсәлән илк космонавт Јури Гагаринин тарихи учушу уғурла баша чатдыгдан сонра Кәрим Кәримов ССРИ-нин ән јүксәк ордени – Ленин ордени илә тәлтиф олунмушдур. Јури Гагаринин һазырлғына Кәрим Кәримов шәхсән ҹавабдеһ иди. 1945-ҹи илдә бөјүк мүһәндис вәзифәсиндә чалышмаға башлајан Кәрим Кәримов 1965-ҹи илдә Космик Васитәләр Идарәсинин рәиси вәзифәсинә тәјин едилмишдир. К. Кәримовун истедадыны вә тәшкилатчылыг габилијјәтини јүксәк гијмәтләндирән мәшһур конструктор С.П.Королјов 1966-ҹы илдә тәкидлә онун Космик Ҝәмиләр үзрә Дөвләт Комиссијасынын сәдри тәјин едилмәсинә наил олмушдур. О, бу мәсул вәзифәдә 25 ил чалышмышдыр (1966-1991). Узун илләр Совет космонавтикасында мәркәзи фигурлардан олуб. Лакин онун шәхсијјәти карјерасы боју тәһлүкәсзислик мәгсәди илә даим мәхфи сахланылыб.
Ҝенерал-лејтенант Кәрим Аббас-Әли оғлу Кәримов 29 март, 2003-ҹи илдә дүнјасыны дәјишиб.
Мүкафатлары:
1. Совет Иттифагы Гәһрәманы (1987) - "Мир" чохмодуллу орбитал статнсијасынлн јарадылмасы вә ора учушларын тәмин едилмәси
2. Вәтән гаршысында хидмәтләр ҝөрә ИВ дәрәҹәли орден (2001) - Русија космонавтикасынын јарадллмасында вә инкишафында бөјүк хидмәтләр ҝөрә.
3. Ики дәфә Ленин ордени илә тәлтиф олунуб (1961-ҹи илдә космоса илк үчүш едән инсанын (Јури Гагаринин) һазырланмасына ҝөрә, вә икинҹи орден хидмәтләрә ҝөрә 1987-ҹи илдә верилиб)
4. Ики дәфә Гырмызы Бајраг ордени илә тәлтиф олунуб.
5. Гырмызы Улдуз ордени илә 1945-ҹи илдә тәлтиф олунуб.
6. Ленин мүкафаты (1966-ҹы ил) - "Зенит" пејк фотокәшфијјат комплексинин јарадылмасына вә тәтбигинә ҝөрә.
7. 3-ҹү дәрәҹәли Сталин мүкафаты (1950-ҹи ил) - јени радиоапаратуранын јарадылмасына ҝөрә (радиоөлчүләр ҝөтүрән "Дон" системи).
8. ССРИ дөвләт мүкафаты (1979-ҹи ил) - орбитал стансијалара космик ҝәмиләрин уғурлу учушларына ҝөрә.
9. "Дөјүш хидмәтләринә ҝөрә" медал.
10. "Алманија үзәриндә 1941-1945-ҹи илләрдә Бөјүк Вәтән мүһарибәсиндә гәләбәјә ҝөрә" медал.
Диггәт: Хәбәрдән истифадә етдикдә мәнбәјә истинад лазымдыр
