Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Бакы режиминдә Илаһм Әлијевин бир баша нәзарәти илә, Бакынын Нардаран гәсәбәсиндә төрәдилән ҹинајәт һадисәсиндән сонра ШӘРЛӘНӘРӘК өлкәнин Хырдалан, Ләнкәран вә диҝәр рајонларда мүхтәлиф ҝүнләрдә сахланылан Шиә руһаниләри Исламчылары олан Гуран Һафизи Руһани Һаҹы Зүлфүгар Микајылов, Руһани Сејјид Елман Ағајев вә диҝәр 10 нәфәрин “ҹинајәт иши” үзрә әдаләтсиз мәһкәмәнин һазырлыг иҹласы давам етдирилиб.
Мәлумата ҝөрә, әдаләтсиз һаким Зејнал Ағајевин сәдрлији илә кечирилән просесдә тәгсирләндириләнләр - Гуран Һафизи Руһани Һаҹы Зүлфүгар Микајловун вәкили Рүстәм Зүлфүгаров вә Руһани Сејјид Елман Ағајевин вәкили Акиф Әлијев вә диҝәрләри вәсатәтлә чыхыш едәрәк, һүгугларыны мүдафиә етдији шәхсләр барәсиндә ҹинајәт тәгибинә хитам верилмәси, һәбс гәтимкан тәдбиринин ев дустаглығы илә әвәз олунмасы, просесдә әлавә шаһидләрин диндирилмәси барәдә вәсатәт галдырыблар.
Режим әнәнәсинә әсасән “Мәһкәмә Коллеҝијасы” галдырылан вәсатәтләри тәмин етмәјиб. Әлавә шаһидләрин чағырылмасы илә бағлы галдырылан вәсатәт бахылмамыш сахланылыб. Ҹинајәт иши мәһкәмә бахышына верилиб.
Нөвбәти гондарма мәһкәмә бахышы февралын 13-нә тәјин едилиб.
Хатырладаг ки, 2015-ҹи ил нојабрын 26-да Баш Мүтәшәккил Ҹинајәткарлыгла Мүбаризә Идарәсинин әмәкдашлары Нардаран гәсәбәсиндә гејригануни һәјата кечирдији әмәлијјат нәтиҹәсиндә “Мүсәлман Бирлији” һәрәкатынын рәһбәри Тале Камил оғлу Бағыров олмагла бир нечә нәфәри јараламыш вә һәбс етмишдир. Полисин төрәтдији ҹинајәт акты заманы 2 полис әмәкдашы, 4 гәсәбә сакини полис тәрәфиндән Шәһид олмушдур.
Рамил Усубов һәмин ҝүн азтв каналында вердији мүсаһибәсиндә исә билдирмишдир ки, президент Илһам Әлијевин там нәзарәти илә Нардаран әмәлијјатында Тале Камил оғлу Бағыров бирҝә Елман Сејдәмир оғлу Ағајев, Зүлфүгар Сәдрәддин оғлу Микајыов вә диҝәрләри сахланылыб. Лакин мәлума олдуғу кими, Зүлфүгар Сәдрәддин оғлу Микајылов 26 Нојабр 2015 тарихдә Нардаран дејил мәһз Хырдаланда јашадығы шәхси мәнзилиндә Бакы вахты илә 15:00 радәләриндә, Елман Сејдәмир оғлу Ағајев исә Нојабырын 28-и 2015 тарихдә Ләнкәран рајону Диҝаһ кәндиндә јерләшән шәхси мүлкүндә сахланылыб.
Нардаран һадисәләри илә бағлы сахланылан шәхсләрин ҹинајәт иши үзрә истинтаг бир нечә јерә ајрылыб. Онлардан Талеһ Бағыров вә диҝәр 18 нәфәрин ҹинајәт иши үзрә Бакы Ағыр Ҹинајәтләр Мәһкәмәсиндә кечирилән просес баша чатыб.
Талеһ Бағыровун мүавини олан Елчин Гасымов вә диҝәр 12 нәфәрин ҹинајәт иши үзрә истинтаг исә бир мүддәт әввәл јекунлашыб. Онларын да мәһкәмә просеси давам едир.
Диггәт: Хәбәрдән истифадә етдикдә мәнбәјә истинад лазымдыр
