Әһли Бејт - АБНА – Хәбәр Аҝентлијинин вердији хәбәрә әсасән, “Мүсәлман Бирлији” Һәрәкаты сәдринин мүавини Елчин Гасымов Күрдәханы тәҹридханасында 5 суткалыг карсерә салыныб.
Бу барәдә “Туран” Информасија Аҝентлијинә онун вәкили Елчин Гәмбәров мәлумат вериб.
“Онун сәһһәти писдир. Буна бахмајараг, Гасымовун хәстәханаја көчүрүлмәси барәдә мүраҹиәтләримиздән имтина едилиб. Әвәзиндә исә “оператив олараг” карсерә салыблар. Һесаб едирәм ки, бу инзибати ҹәзадан сонра онун вәзијјәти писләшәҹәк”, – вәкил билдириб.
Е.Гасымовун һансы сәбәбдән карсерә салынмасы барәдә вәкилинә билҝи верилмәјиб.
Бу мәсәләјә Пенитенсиар Хидметин дә Иҹтимаијјәтлә Әлагәләр шөбәсиндән ајдынлыг ҝәтирмәк, һәләлик, мүмкүн олмајыб.
Е.Гасымов нојабрын 5-дә тутулуб. О, Инзибати Хәталар Мәҹәлләсинин 310-ҹу (полис ишчисинин гануни тәләбинә гәсдән табе олмама) маддәсини позмагда ҝүнаһландырылыб вә 30 ҝүн мүддәтинә инзибати һәбс ҹәзасы алыб.
Даһа сонра Нәсими Рајон Мәһкәмәсинин гәрары илә Е.Гасымов барәсиндә үч ајлыг һәбс гәтимкан тәдбири сечилиб.
Е.Гасымов барәсиндә Ҹинајәт Мәҹәлләсинин 221.2.2 (Хулиганлыг, һакимијјәт нүмајәндәсинә вә ја диҝәр шәхсә мүгавимәт ҝөстәрмәклә төрәдилдикдә) вә 315.1 (Һакимијјәт нүмајәндәсинә хидмәти вәзифәләрини јеринә јетирәркән һәјат вә сағламлыг үчүн тәһлүкәли олмајан зор тәтбиг етмәклә мүгавимәт ҝөстәрмә) маддәләри илә ҹинајәт иши башланылыб.
Елчин Гасымов сахландыгдан сонра, онларла диндар Сабунчу Рајон Полис Идарәсинин гаршысына топлашараг онун азадлыға бурахылмасыны тәләб едиб. Һәмин вахт да сахлананлар олуб.
Бундан бир гәдәр сонра, нојабрын 26-да Дахили Ишләр Назирлији Бакынын Нардаран гәсәбәсиндә хүсуси әмәлијјат кечириб. Һәмин вахт икиси полис олмагла алты нәфәр һәлак олуб. Һәрәкатын 15 үзвү, о ҹүмләдән рәһбәри Талеһ Бағыров һәбс олунуб.
Диггәт: Хәбәрдән истифадә етдикдә мәнбәјә истинад лазымдыр
