Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, евләнмәк вә аилә һәјаты гурмаг Ислам дининдә өзүнә хас бир јери вардыр. Белә ки, Бөјүк Ислам Пејғәмбәри (сәлләллаһу әлејһи вә алиһ) евләнмәјәнләри өз үммәтиндән һесаб етмәмиш вә диҝәр бир һәдисдә исә, ҹәһәннәм әһлинин бир чохунун субај инсанлар олаҹағыны вурғуламышдыр...
Ҹаванларын евлилијинә мане олан амилләр мүхтәлифдир. Онлары таныјаг:
1. Фәрди проблемләр.
2. Аилә проблемләри.
3. Иҹтимаи проблемләр.
Фәрди проблемләр.
Адәтән евлилијә мане олан ән мүһүм амил будур – бир инсанын евлилијә олан фәрди бахышыдыр. Һәр кәсин евлилијә олан бахышы ејни дејилдир, мүхтәлифдир. Бу да һәјат јолдашы сечиминдә вә гәрар вермәкдә чәтинликләр јарадар. Һәр кәс идеал инсан ахтарышындадыр, анҹаг һәр кәсин идеалы фәрглидир. Әҝәр евләндији инсан идеалы дејилдирсә, бу заман накамлыглар башлајар вә арадан галдырылмасы чәтин олан изләр гојуб ҝедәр. Әҝәр ҹаван Гуран вә Мәсумларымызын (ә) сөјләдији мејарлара әмәл едәрәк евләнәрсә, тәәссүфләнмәз. Мөмин инсанын бүтүн сәји – аиләсинин хошбәхт вә шад олмасыдыр. Белә бир инсанын аилә һәјаты ширин вә хошбәхт олар. Анҹаг әҝәр мејары мадди вә нәфсани оларса, о заман һәјат јолдашындан тез сојујар вә аилә һәјаты она јоруҹу ҝәләр. Беләликлә, дејә биләрик ки, бир ҹаванын фәрди проблемләринин арадан галдырмағынын јолу – Илаһи мејарлар әсасында сечим етмәси вә јашамасыдыр.
Аилә проблемләри.
Ҹаванларын евләнмәсинә мане олан аилә проблемләри бунлардыр:
1. Аиләләрин өзүнү бир-бири илә мүгајисә етмәси.
2. Ҝәлин вә бәјдән јерсиз ҝөзләнтиләр.
3. Мәдәнијјәт, игтисади, аилә фәргләринин олмасы.
Иҹтимаи проблемләр.
Бу проблемләри дә бир нечә дәстәјә бөлмәк олар.
1. Мәскән.
2. Тәһсил.
3. Пешә вә лазымлы гәдәр газанҹынын олмамасы.
4. Тој мәрасими үчүн лазыми гәдәр пулун олмамасы.
Беләликлә дејә биләрик ки, әҝәр инсанларын евлилијә олан бахыш буҹағыны дәјишдирә билсәк, ҹаванларымыз чох раһат шәкилдә аилә гурар вә евлилик јашлары да өтмәз. Бунун үчүн бу үч проблеми арадан галдырмаға чалышмаг вә Илаһи мејарлары әсас тутмаг лазымдыр. Тәмтәраг вә һәддән артыг пул хәрҹләмәк нә ҹаван ҹүтләрә хејир ҝәтирәр, нә дә ҝәләҹәкдә хошбәхт олмалары үчүн тәминат олар. Әксинә, тоја хәрҹләнән бу гәдәр күлли мигдарда пулу чатышмајан проблемләрини арадан галдырмаға хәрҹләсәјдиләр, даһа хејирли вә бәрәкәтли оларды. Һәр бир һалда евләнмәји гәсд едән һәр бир ҹаван бу проблемләрә диггәт етмәли вә сечим заманы Илаһи мејары әсас ҝөтүрмәлидир.
Диггәт: Хәбәрдән истифадә етдикдә мәнбәјә истинад лазымдыр
