Иран вә азәрбаjҹанлы назирләр игтисади мүнасибәтләрин ҝүҹләндирилмәсини вурғуладылар

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран вә азәрбаjҹанлы назирләр игтисади мүнасибәтләрин ҝүҹләндирилмәсини вурғуладылар
Иранын кооперасиjа, әмәк вә сосиал рифаһ назиринин Азәрбаjҹан Республикасынын игтисадиjjат вә сәнаjе назири илә бу ҝүн баш тутан ҝөрүшүндә ики өлкә арасында игтисади мүнасибәтләрин ҝүҹләндирилмәси вурғуланыб.
Азәрбаjҹан Республикасынын Игтисадиjjат вә Сәнаjе Назирлиjиндә баш тутан бу ҝөрүшдә тәрәфләр ики өлкәнин игтисади дөвриjjәсинин гаршысында дуран манеәләрин арадан галдырылмасы вә игтисади әлагәләрин ҝенишләндирилмәсини вурғулаjыблар.
Бу ҝөрүшдә ики өлкә арасында чохлу ортаглыглара тохунан Әли Рәбии деjиб: Ики өлкә арасында игтисади мүнасибәтләр мүсбәт сиjаси әлагәләрлә аддым-аддым инкишаф етмәjиб вә ики өлкәнин адына лаjиг игтисади мүнасибәтләрин ҝүҹләндирилмәси үчүн лазыми аддымларын атылмасы зәруридир.
Азәрбаjҹан Республикасынын игтисадиjjат вә сәнаjе назири Шаһин Мустафаjев дә бу ҝөрүшдә ики өлкәнин чохлу ортаглыглары вә ики өлкә рәһбәрләринин икитәрәфли әмәкдашлыгларын бүтүн сәвиjjәләрдә ҝүҹләндирилмәсинә даир ҹидди ирадәсинә тохунуб вә икитәрәфли мүнасибәтләрин ҝәләҹәjини мүсбәт адландырараг деjиб: Ики өлкә арасында тиҹарәт әлагәси артыб вә ики өлкәнин өзәл секторлары да өз мүнасибәтләрини ҝүҹләндирмәкдәдирләр. Икитәрәфли әмәкдашлыгдан әлавә мүнасибәтләрин ҝүҹләндирилмәси истигамәтиндә Иран, Азәрбаjҹан вә Түркиjәнин иштиракы илә үчтәрәфли әмәкдашлығы да мүсбәт гаршылаjырыг.
Азәрбаjҹан Республикасынын игтисадиjjат вә сәнаjе назири Иранла 5+1 Групу арасында нүвә мүзакирәләринә дә мүнасибәт билдириб, бу мүзакирәләрдә ирәлиләjишин әлдә олунмасындан мәмнун галыб вә Дағлыг Гарабағ мүнагишәси илә әлагәдар Иранын мөвгеjини алгышлаjыб.
Диггәт: Хәбәрдән истифадә етдикдә мәнбәjә истинад лазымдыр