Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Теһран сакинләри Әрәбистан сәфирлиjи өнүндә аксиjа кечирдиләр
Теһран сакинләриндән ибарәт бир груп бу ҝүн, шәнбә, Сәудиjjәли мәмурларын Ҹиддә һава лиманында ики иранлы jениjетмәjә гаршы хошаҝәлмәз вә әхлагдан кәнар давранышларына ҝөрә, Әрәбистан сәфирлиjи өнүндә аксиjа кечириб.
Саjы 500 нәфәрә чатан аксиjа иштиракчылары шүарлар сәсләндириб, Әрәбистан дөвләтинин, бу һәрәкәтә jол вермиш дөвләт мәмурларына гаршы ҹидди тәдбирләр ҝөрмәсини истәjибләр.
Әрәбистан сәфирлиjи өнүндә кечирилән етираз аксиjасында иштирак едән Теһран сакинләри һәмчинин, Әрәбистан дөвләтинин, сәудиjjәли мәмурларын иранлы зәвварлара гаршы чиркин һәрәкәтинә ҝөрә, Иран халгындан үзр истәмәсини тәләб едибләр.
Теһранда Әрәбистан сәфирлиjи өнүндә тәшкил едилән бу етираз аксиjасы сосиал шәбәкәләрдә едилән чағырышын ардынҹа кечирилиб.
Диггәт: Хәбәрдән истифадә етдикдә мәнбәjә истинад лазымдыр
