Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ИШИД-чиләр Иҹтимаи jерләрдә, мәсҹидләрдә вә мәктәбләрин jахынлығында ҹидди фәалиjjәтдәдирләр.
Ушаглары мәктәбләрдән jаjындырмаг даһа асан олдуғундан, илк иш кими ону едирләр. Сонра исә ушаглары өз дүшәрҝәләринә һазырлыг үчүн ҹәлб едирләр.
ИШИД террор груплашмасы сон 3 аjда Суриjада 400-дән артыг ушағы сыраларына ҹәлб едиб. Реутерс Суриjадакы инсан һүгугларыны мүдафиә едән тәшкилатлара истинадән хәбәр верир ки, 18 jашынадәк олан ушаглар мүхтәлиф үсулларла әлә алыныр.
"Ушагларын мәсҹидләрә бөjүк һәвәс вә ахынла ҝетдиjи бөлҝәләрдә онларын "беjнини jумаг" даһа асан олур" - деjә, jерли һүгуг мүдафиәчиләри билдирирләр. "Хилафәт идеолоҝиjасы" илә көкләнмиш ИШИД-чиләр, ушагларын Ислами биликләринин зәифлиjиндән мәһарәтлә истифадә едирләр. Чох гыса мүддәтдә ушағы әлә алмаг мүмкүн олдуғундан, бәзән jерли диндарлар да пул гаршылығында ИШИД-чиләрлә "базарлыға" ҝедәрәк онларын ушагларла "ишләмәсинә шәраит jарадырлар".
Мәлумата ҝөрә, әлә алынан ушаглары "хилафәт курсларына" ҹәлб едирләр. Бу "курсларда" онлара һәрби һазырлыг вә идеоложи тәлиматландырма апарырлар. Артыг ушаглардан тәшкил олунмуш камикадзе групларынын мөвҹудлуғу, бу ушагларын интиһар-террор актларында истифадә едилмәси, һәтта, суриjалы һүгуг мүдафиәчиләрини ҹидди нараһат едиб. Онлар беjнәлхалг тәшкилатлара, хүсусән, БМТ-jә мүраҹиәт едәрәк, бу мәсәләjә диггәт jетирмәjи, ушагларын ИШИД террорларында истифадә едилмәсинин гаршысыны алмаг үчүн тәдбир ҝөрмәjә чағырырлар.
Суриjалы мәнбәләр етираф едир ки, ушагларын "беjнини jумаг" даһа асан олдуғундан, ИШИД-ин 18 jашадәк ушаглардан тәшкил олунмуш "хилафәт курслары" сүрәтлә ҝенишләнир.
Диггәт: Хәбәрдән истифадә етдикдә мәнбәjә истинад лазымдыр
