Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сеjид Һәсән Нәсруллаһ "Ал-Маjадеен" телевизиjасында чыхыш едиб
"Һизбуллаһ" һәрәкатынын рәһбәри Сеjид Һәсән Нәсруллаһ һазырда "Ал-Маjадеен" телевизиjасында чыхыш едиб. Сеjид Һәсән Нәсруллаһ Сәуд режиминин вә мүттәфигләринин Јәмәнә һүҹумуну писләjәрәк билдириб ки, бу һүҹум Јәмән халгыны хилас етмәк үчүн идисә, бәс ниjә Фәләстин халгына jардым етмәдикләрини дилә ҝәтириб: "Фәләстин халгы илләрдир jардым истәjир, амма сиз әрәбләр jардым етмәкдән имтина етдиниз. Бу диллә данышаг.
Бәли, сүнни халгы сиздән jардым истәди, амма jардым етмәдиз. Сиздә бу гәһрәманлыг һардадыр? Ниjә сүбһ тездән Јәмәни бомбаладыз? Нә сәбәб олду ки, әмәлиjjат гәрарыны вердиз? Деjим ки, һеч бир сәбәби jохдур. Әҝәр бу Јәмән халгыны хилас етмәк үчүн идисә, ниjә Фәләстин халгына jардым етмәдиз?". "Һизбуллаһ" һәрәкатынын лидери даһа сонра Јәмәнә һүҹуму дәстәкләjән һәр кәс тезликлә лаjигли ҹаваб алаҹағыны билдириб: "Сиз мүсәлмансызса, Исламла бу һүҹумунузун ганунуну ҝөстәрә биләрсинизми? Јәмәнми Сәудиjjәни тәһдид едир? Јәмәнин өз проблемләри өзүнә бәс едәр. Јәмән халгы бөлҝәjә тәһдид олан "әл-Гаидә" илә мүбаризә етди, jәни сиз ниjә бу халгы һәдәфә алдыныз? Ким бу мүһарибәдән разыдырса, бу төкүлмүш гана шәрикдирләр. Ким ки, мүһарибәjә гатылыб вә дәстәк верирсә, ҹаваб верәҹәк. Бәзиләри мүһарибәjә һазыр вәзиjjәтдә дурублар. Сиз мүсәлман Јәмәнә һүҹум едирсиз (Исраилә jох).Ән чох иддиа Иранын Јәмәни ишғал етмәси медиада дезинформасиjа олараг jаjылды. Јәмән фәгир бир халгдыр. Әсас деjиләнләр будур ки, Јәмәни Ирандан хилас етмәлиjик. Јәмәнин Иран тәрәфиндән ишғал едилмәсини неҹә сүбут едә биләрсиниз? Иранын Јәмәндә бир һәрби варлығы вармы? Бу о гәдәр ачыг jаландыр ки, сөз демәк олмур. Бәзиси деjир ки, бу һәрби деjил һеҝемониjа сәрҝиләмәсидир. Бу Сәуд мәнтигидир. Халглар ифадәсини Сәуд гәбул етмир. Халгын ингилабыны, халгын истәjини Сәуд зеһниjjәти һеч бир вәҹһлә гәбул етмир. Тәәссүф олсун ки, инсанлара сүрү вә көлә кими бахырлар. Јәни онларын өз ирадәси jохдур. Сәуд режими бу мәнтиглә бахыр. Бу мәнтиг jалныш бахышдыр. Вә мәғлубиjjәтә уғраjаҹагдыр. Сәуд дипломатиjасына бахсаг, ардыҹылыгла биjабырчы сиjасәтә имза атдығыны ҝөрәрик. Јәни Иранын бөjүк иш ҝөрмәсинә еһтиjаҹы jохдур. Бу сизин проблеминизди (Јәни сизин мәнтигиниз халглары сиздән узаглашдырыр)". Нәсруллаһ сонда белә деjиб: "Сиз әрәбләр Фәләстини тәк гоjдуз. Иран һәр ҝүҹү илә Фәлсәтинә дәстәк верди. Бу һәдәфә алынасы шеj деjил. Сиз дәстәк вермәдиз. Амма Иран дәстәк верди. Ирагда да Иран ишғалы вар деjирләр. Сәуд вә дәстәкчиләри Ирагда нә етдиниз? Сәддама дәстәк вердиниз. 200 милjард доллар вердиниз ки, Иранла ҝөрүшмәjин. Ирагы дөjүшә тәшвиг етдиниз. Ики өлкә бу мүһарибәнин аҹысыны чәкмәкдәдирләр. Ҹорҹ Буша да сиз дәстәк вердиз ки, Ирагы ишғал етсин.Сиз онун өнүнү ачдыз, малиjjә jардымы етдиниз. АБШ ҝәлди вә ишғал етди. Ираг халгы ишғалла барышмады вә мүбаризә етди. Һәм сиjасәт, һәм дә һәрби ҝүҹлә мүбаризә етдиләр. Амма сиз тәкфирчиләри дәстәкләдиниз. Пул вердиниз. Бомба долу автомобилләри Ирага сиз ҝөндәрдиниз. Сүнни, шиә вә христианларын террор едилмәси сәуд кәшфиjjатынын бир баша нәзарәти илә һәjата кечирилирди. Ән бөjүк ҹинаjәтиниз ИШИД иди. Бендер бин Султан ИШИД-ә дәстәк верди, пул jардымы етди вә силаһла тәмин етди. ИШИД сонда нәзарәти сиздән алды.Бәс Ираг халгы сиздән нә хеjир ҝөрдү?". Геjд едәк ки, Сәудиjjә Әрәбистаны вә мүттәфигләри олан өлкәләрин һәрби авиасиjалары Јәмәнин паjтахты Сәнаjа авиазәрбәләр ендириб. Бомбардыманлар давам етмәкдәдир.
Диггәт: Хәбәрдән истифадә етдикдә мәнбәjә истинад лазымдыр
