Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Түркиjә президентинин иттиһамларына ҹаваб Верди
Иранын хариҹи ишләр назири Ҹавад Зәриф Түркиjә президенти Рәҹәб Таjjиб Әрдоғанын “Иран Јәмәндән чыхмалыдыр”, - сөзләринә ҹаваб вериб.
Ҹавад Зәриф бу барәдә белә данышыб: “Иран бөлҝәдәки бүтүн гардашлары илә Јәмән дахилиндә олан фәргли групларын һәjатә кечирәҹәjи, Јәмәнин суверенлиjини вә тәһлүкәсизлиjини тәмин едәҹәк бүтүн диалоглара гатылмаға һазырдыр. Түркиjә илә мүхтәлиф саһәләрдә олан стратежи әлагәләрә һөрмәт едирик. Һазырда бүтүн өлкәләр бөлҝәдә сабитлик вә тәһлүкәсизлиjин тәмин едилмәси үчүн чалышмалыдыр. Стратежи сәһвләр, иддиалы сиjасәтләр вә өз хәjалындакы үсуллары тәтбиг едәрәк компенсасиjасы мүмкүн олмаjан зәрәрләрә сәбәб олан инсанларын, ҹавабдеһлик сиjасәтини мәнимсәjәрәк реҝионда әмин-аманлыг вә jахынлығы бәргәрар етмәк үчүн мөвҹуд потенсиалдан истифадә етмәләри даһа jахшы олар”.
Диггәт: Хәбәрдән истифадә етдикдә мәнбәjә истинад лазымдыр
