Һәрби тәлимләр jени стратежи силаһлардан истифадә илә сона чатды

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һәрби тәлимләр jени стратежи силаһлардан истифадә илә сона чатды
Ислам Ингилабы Кешикчиләр Корпусу Сепаһын 9-ҹу Пеjғәмбәр Әзәм (с.ә.с) бөjүк һәрби тәлимләри jени стратежи силаһлардан истифадәнин олунмасы илә сона чатыб.
Сәһәр Беjнәлхалг каналынын мәлуматына ҝөрә, Ислам Ингилабы Кешикчиләр Корпусунун бәзи дәниз, гуру вә һава гүввәләринин иштиракы илә Һөрмүз боғазы вә Фарс көрфәзиндә кечирилән Пеjғәмбәр Әзәм (с.ә.с) һәрби тәлимләринин сонунҹу ҝүнүндә бир jени стратежи силаһдан истифадә олунуб вә Сепаһын Дәниз Мүдафиә Тәшкилатына әлавә олунуб. Ислам Ингилабы Кешикчиләр Корпусунун дәниз гошунлары команданы адмирал Әли Фәдәви бу jени силаһын потенсиаллары барәдә верилән суала ҹавабда jалныз бу сөзү демәклә кифаjәтләниб: Бу jени силаһын тәшкилата әлавә олунмасы Ислам Ингилабы әлеjһинә тәһдидләр, хүсусилә дә бөjүк шеjтан Америка илә мүбаризә үчүн бизим дәниз гүдрәтимизин артмасында чох тәjинедиҹи рола маликдир. Сепаһын 9-ҹу Пеjғәмбәр Әзәм (с.ә.с) бөjүк һәрби тәлимләри үч ҝүн мүддәтинә Һөрмүз боғазы вә Фарс көрфәзиндә кечирилди вә һәрби тәлимләрдә дәниз, гуру, саһил вә ракет әмәлиjjатлары илә бағлы jени тәҹһизат вә тактикалардан истифадә олунду.
Диггәт: Хәбәрдән истифадә етдикдә мәнбәjә истинад лазымдыр