Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹанда Һәҹҹ зиjарәтинә сәнәд гәбулу даjандырылыб.
Гафгаз Мүсәлманлары Идарәсиндән ФактХәбәр-ә верилән мәлумата ҝөрә, бу ил үчүн Һәҹҹ зиjарәтинә ҝетмәк истәjән зәвварлардан сәнәд гәбулу вә сиjаһыjа алынмасы тарихи мартын 10-а кими тәхирә салыныб.
Верилән мәлумата ҝөрә, сәнәд гәбулу февралын 20-дән старт верилмәси планлашдырылырды. Лакин мүәjjән һазырлыгларын jекунлашмамасына ҝөрә, ишләр даjандырлыб.
Бундан әлавә билдирилиб ки, сәнәдләрин гәбулунун тәхирә салынмасына сәбәб олан әсас амилләрдән бири дә, зиjарәтин тәшкилилә бағлы гиjмәтләрин һәлә мүәjjән едилмәмәсидир.
Еһтимал олунур ки, бу ил гиjмәтләр әввәлки илләрә нисбәтән баһа олаҹаг. Чүнки Мәккәдә 24 бөjүк отел сөкүлүб. Бундан башга, дашынма илә дә бағлы мүәjjән проблемләр вар. Буна ҝөрә дә, отел вә нәглиjjат гиjмәтләринин баһалашмасы ҝөзләнилир.
Геjд едәк ки, бу ил дә зәвварлар зиjарәтә jалныз тәjjарә илә ҝедәҹәкләр. Суриjада баш верән һадисәләрлә әлагәдар автобусларла сәфәр нәзәрдә тутулмур.
Сәнәд гәбулу jалныз Гафгаз Мүсәлманлары Идарәси тәрәфиндән апарылыр. Диҝәр зиjарәт тәшкилатларына исә һеч бир зәманәт верилмир.
Диггәт: Хәбәрдән истифадә етдикдә мәнбәjә истинад лазымдыр
20 fevral 2015 - 09:26
Xəbər kodu: 672158
Гафгаз Мүсәлманлары Идарәсиндән ФактХәбәр-ә верилән мәлумата ҝөрә, бу ил үчүн Һәҹҹ зиjарәтинә ҝетмәк истәjән зәвварлардан сәнәд гәбулу вә сиjаһыjа алынмасы тарихи мартын 10-а кими тәхирә салыныб.
