Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон ҝүнләр Ираг Силаһлы Гүввәләри вә халг күтләсиндән ибарәт Көнүллү Дәстәләрин көмәклији илә, Сәлаһуд Дин, Дијалә, Кәркүк, Мосул вә с. әјаләтләрдә АБШ, Гәрб, ганунсуз исраил режими,Түркијә, Әрәбистан, Гәтәр вә с. өлкәләрин дәстәки илә хариҹи өлкәләрдән ҝәтиздириләрәк Мүсәлманлары фаҹиәви сүрәтләрдә гәтлә јетирән сәләфи азғынларына сарсытыҹы зәрбәләр ендирәрәк бир чохуну дармадағын етмәкдә давам едир.
Суријанын Ејнул Әрәб (Кубани) вә Ирагын Сәнҹар мәнтәгәсиндә мәғлубијјәтләрлә үзләшән аднормал вәһһаби террорчулары Ираг азәрбајҹанлыларынын компакт јашадыглары Кәркук әјаләтини ишғал етмәјә сәј ҝөстәрибләр, лакин ики ҝүн өнҹә сәләфи јараглыларынын Кәркүк шәһәринин 12 км-нә үч ҹәһәтдән ҝенишмигјаслы һүҹума башламасы Ираг Силаһлы Гүввәләри илә Пишмәрҝә Көнүллү Дәстәләринин мүдафиәси илә, үзләшиб. Гаршыдурмаларда сәләфи вәһшиләри ағыр иткиләр вермәјә мәҹбур галараг ҝери, архаја гачыблар.
Белә ки, Ираг Силаһлы Гүввәләринин ардыҹыл сарсыдыҹы зәрбәләри нәтиҹәсиндә дүшмән гүввәләри арасында руһ дүшкүнлији јараныб. Бу руһ дүшкүнлијини арадан апармаг мәгсәди илә, вәһһабиләр әсирләрә гаршы нөвбәти вәһшиликләр едәрир. Белә ки, сәләфи јараглылары ики Мүсәлман һәрбичини Шәһид едибләр.
Ҹаһил сәләфи азғынлары Пишмәрҝә Көнүллү Дәстәнин ики Мүсәлман забит вә әскәрини “мүртәд”(!) адландырараг, онларын башларыны Дијалә әјаләтиндә кәсибләр.
Гејд едәк ки, Ислам гајда-ганунларына әсасән Ислам Пејғәмбәри Мүсәлманлара гаршы мүһарибәни һарам етмиш вә Мүсәлманы кафир, мүртәд вә с. кими гејри тәкАллаһчы үнванларла сәсләјәни гејри Мүсәлман адландырмышдыр.
Һәмчинин Ислам Пејғәмбәринин (Аллаһын даими салам вә рәһмәти она вә пак аиләсинә назил олсун) сүннәсинә ҝөрә, мүһарибәдә әлә кечирилән әсир һәтта Әһли Китаб дејил мүшрик олса белә, она гаршы һәр һансы бир налајиг һәрәкәтләри һарам вә бидәт сајылыр.
Диггәт: Хәбәрдән истифадә етдикдә мәнбәјә истинад лазымдыр
