Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Милли Ордусу халг күтләсиндән ибарәт јарадылмыш көнүллү Дәстәләрин көмәклији илә, ҝенишмигјаслы анти-террор әмәлијјатлара башлајараг, Ҹорфул Сәхр шәһәрини вә шәһәр әтрафы гәсәбә вә кәндләрини азғын ИШИД террорчуларындан азад едәрәк, биналар үзәриндә санҹылмыш “шејтан бајрагларыны” јерә ендириб.
24 Октјабр, 2014 тарих, јерли вахтла 17:00 радәләриндә, АБШ вә мүттәфигләринин јаратдыглары гондарма “анти-ИШИД коалисијадан” хәбәрсиз “Ашура” рәмзи илә һәјата кечән әмәлијјатда Бабил әјаләтинин шималындакы Ҹорфул Сәхр рајону тамамилә азад едилиб. Бу әмәлијјатда 200-дән артыг тәкфирчи мәһв едилмиш, 60-дан чох јараглы исә, мүхтәлиф дәрәҹәли бәдән хәсарәтләри илә, јараланараг Ислам Ордусунун әлинә әсир дүшүдүјү билдирилиб.
Бу ҝүнләрдә Ирага тез-тез сәфәр едән Сепаһын Гүдс Ганадынын Ҝенералы Һаҹ Гасим Сүлејмани дә, Ҹорфул Сәхр рајонунда ҝедән әмәлијјатларда ҝөзә дәјиб.
АБНА.ир сајтынын Ашура әмәлијјатындан јајымладығы фотоларда ајдын ҝөрүнүр ки, Һаҹ Гасим Сүлејмани, Ирагын Бәдр Тәшкилатынын сәдри Һади әл-Амири, Әсаибу Әһлил Һәгг бригадасынын баш катибинин мүавини Һөҹҹәтүл Ислам вәл Мүслимин Сејјид Муһәммәд Тәбатәбаи вә Кәтаибу Тијарир Рисали бригадасынын командири Шејх Әднан әл-Шәһманинин кәнарындадыр.
Гејд едәк ки, Ираг медиалары Ҹорфул Сәхр рајонун Аллаһсыз “ИШИД” террорчуларындан азад едилмәсиндә әсас рол апаран шәхсин мәһз Сепаһ Ҝенералы Һаҹ Гасим Сүлејманинин олдуғуну билдириб, миннәтдарлыг едибләр.
Ҹорфул Сәхр рајону Бабил әјаләтинин шималында Бағдадын ҹәнубунда јерләшир. Бу сәбәбдән дә бу рајон Ираг Дөвләт вә Тәһлүкәсизлик Назирлији үчүн ән стратежи бир шәһәр сајылыр. Хүсуси илә дә Муһәррәм вә Сәфәр ајларында 100 минләрлә өлкәнин ҹәнуб мәнтәгәсинин Шиәләри Имам Һүсејн әзадарлығында иштирак етмәк мәгсәди илә пијада Кәрбалаја сәфәр едәҹәкләри ҝөзләнилир.
Гондарма “ИШИД” адлы террор груплашманын башчысы, христиан көклү Әбу Бәкр Бағдади дә, аудио васитәси илә Ҹорфул Сәхр рајонундакы мәғлубијјәтләринә етираф едәрәк, бу мәғлубијјәтин әсас сәбәбини вәһһаби террорчуларынын Ираг Силаһлы Гүввәләри гаршысында мүгавимәт ҝөстәрмәдикләри олдуғуну билдириб. Гулдур башчысы, һәмчинин “ИШИД” үнсүрләринин ағыр иткиләр вердијини дә ачыглајыб.
Билдирәк ки, бөјүк гәләбәнин әлә ҝәтирилмәсиндә әсас рол Әсаибу Әһлил Һәгг бригадасынын өһдәсинә дүшүб. Бригаданын командирләри олан Һөҹҹәтүл Ислам вәл Мүслимин Сејјид Муһәммәд Тәбатәбаи вә Шејх Гејс Хәзәли Ҹорфул Сәхр рајонун азад едилмәси әмәлијјатларына исә, “Әбу Көвсәрин Интигамы” ады илә башлајыблар.
Сејјид Муһәммәд Тәбатәбаи, Гасим Сүлејмани вә Шејх Гејс Хәзәли
Әсаибу Әһлил Һәгг бригадасынын баш катибинин мүавини Һөҹҹәтүл Ислам вәл Мүслимин Сејјид Муһәммәд Тәбатәбаи вә Гасим Сүлејмани
Кәтаибу Тијарир Рисали бригадасынын командири Шејх Әднан әл-Шәһмани вә Гасим Сүлејмани
Диггәт: Хәбәрдән истифадә етдикдә мәнбәјә истинад лазымдыр
