Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бакыда кечирилән “Ислам Әмәкдашлыг Тәшкилатына үзв дөвләтләрин инкишафында гадынларын ролу” мөвзусу илә әлагәдар Азәрбајҹана рәсми сәфәр едән Иран Ислам Республикасынын витсе-президенти, Иран Ислам Республикасынын Гадын вә Аилә Мәсәләләри үзрә назири, ханым Шәһиндохт Моллаверди Бибиһејбәт һәрәмини зијарәт едиб.
Бибиһејбәт Мәсҹидинин ахунду Һаҹы Раһиб Бабајев гонаға Азәрбајҹанын ән гәдим вә бөјүк дини абидәләриндән бири сајылан Бибиһејбәт һәрәми вә Мәсҹидинин тарихи барәдә әтрафлы мәлумат верәрәк билдириб ки, једдинҹи Имам Мусеји Казымын (әлејһи сәлам) гызы Ханым Һәкимәнин (әлејһа сәлам) мәзары бурада јерләшдијиндән Мәсҹидә мүсәлман өлкәләриндән чохлу сајда зијарәтчиләр ҝәлир.
Ханым Һәкимәнин (әлејһа сәлам) мәзарыны зијарәт едән Иран Ислам Республикасынын витсе-президенти Шәһиндохт Моллаверди, Мәсҹид-комплекслә јахындан таныш олуб.
Диггәт: Хәбәрдән истифадә етдикдә мәнбәјә истинад лазымдыр
