Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Бәһрејнин әл-Дираз шәһәриндә јерләшән Имам Садиг (әлејһи сәлам) адына Мәсҹиддә мөһтәшәм Ҹүмә Намазы бәрпа олунуб.
Ајәтуллаһ Шејх Иса Гасим ҹәнабларынын сәһһәтиндә јаранмыш мүвәггәти проблемлә әлагәдар өтән һәфтәнин Ҹүмә Намазыны да Бәһрејн әл-Вифаг Иҹмасынын Катиби Шејх Әли Сәлман гылмышыдыр.
Шејх Әли Сәлман Ҹүмә Намазынын хүтбәләриндә Бәһрејнә һаким кәсилмиш вәһһабиәгидәли Али Хәлифә режиминин солғун сијасәтләринә тохунараг билдириб: “Бүтүн ингилабчлар вә мүхалифәтчләр јахшы анлајырлар ки, тајфабазлыг сијасәтләри иҹтимаијјәтин зәрәринәдир. Буна ҝөрә дә, мүхалифәт һеч заман халгы тајфалара вә гәбиләләрә бөлмәјир. Әксинә бизим сијасәтимиз бүтүн тајфалары ваһид бир вәтән әтрафында бирләшдирәрәк вәтәндаш һүгугларынын бәрпасыдыр”.
О, даһа сонра билдириб: “Режимин һәдәфи јалныз халгын сәрвәтләринә ҝөз тикмәси вә ону мәнимсәмәсидир. Лакин мүхалифәтин нәзәри исә, демократик бир өлкә јарадараг милли сәрвәтләри халгын мәнафеинә хәрҹләмәкдир”.
Имам Ҹүмә даһа сонра билдириб: “Ҝәләҹәјин дүзәлмәсини, сабитлијин бәрпасыны истәјән, Азадлыг вә Әдаләти севән һәр бир шәхс мүтләг мүхалифәтә гошулмалы вә сечкиләри бајкот етмәлидир”.
Бәһрејн әл-Вифаг Иҹмасынын Катиби даһа сонра Ҹүмә Намазынын хүтбәсиндә Әрәбистан Алими Ајәтуллаһ Шејх Нимр Багир әл-Нимрә чыхардылмыш едам һөкмүнүн ләғвини тәләб едәрәк билдириб: “Мән өзүм даим шаһиди олмушам ки, Шејх Нимр силаһлы мүбаризәнин әлејһинә олуб. Буна ҝөрә дә белә бир шәхсијјәтин һәбси вә едама мәһкум едилмәси гәбул едилмәздир”.
Диггәт: Хәбәрдән истифадә етдикдә мәнбәјә истинад лазымдыр
