Азәрбаjҹан Республикасынын игтисади һеjәти Ирана сәфәр едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Республикасынын игтисади һеjәти Ирана сәфәр едир
Азәрбаjҹан Республикасынын игтисадиjjат вә сәнаjе назири вә бу өлкәнин игитисади һеjәти Теһрана сәфәр едирләр.
Азәрбаjҹан Республикасынын игтисадиjjат вә сәнаjе назири вә Мүштәрәк Игтисади Әмәкдашлыглар Комиссиjасынын азәрбаjҹанлы һәмсәдри- Шаһин Мустафаjев jүксәк сәвиjjәли бир һеjәтлә бу ҝүн үч ҝүн мүддәтинә Теһрана дахил олур.
Бу һеjәтә Азәрбаjҹан Республикасынын хариҹи ишләр, енерҝетика, игтисадиjjат вә сәнаjе, jол вә нәглиjjат, фөвгәладә һаллар назриләринин мүавинләри, АРДНШ вә Азәренержи кими нефт вә газ ширкәтләринин сәдрләри, һәмчинин Нахчыван Мухтар Республикасынын Али Мәҹлиси сәдринин биринҹи мүавини дахилдирләр. Азәрбаjҹан һеjәти Иранын коммуникасиjа вә информасиjа технолоҝиjалары назири вә Мүштәрәк Игтисади Әмәкдашлыглар Комиссиjасынын иранлы һәмсәдри- Маһмуд Ваизинин дәвәти илә Теһрандан ҝөрүш кечирир.
Бу сәфәр Бакыда Мүштәрәк Игтисади Әмәкдашлыглар Комиссиjасынын 9-ҹу иҹласынын уғурлу кечмәсинин ардынҹа һәjата кечир.
Бу сәфәрдә гәрар үзрә тәрәфләр разылашма сәнәдләринин маддәләри вә Мүштәрәк Игтисади Әмәкдашлыглар Комиссиjасынын гәрарларына нәзәр салаҹаглар.
Һәмчинин Мустафаjев Теһранда олаҹағы мүддәтдә Иранын бир нечә назири вә jүксәк вәзифәли рәсмиси илә ҝөрүшәҹәк.
Диггәт: Хәбәрдән истифадә етдикдә мәнбәjә истинад лазымдыр