Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, азғын сионист үнсүрләриндән бир нәфәри Инҝилтәрә Парламентинин нүмајәндәси Ҹорҹ Галловајы Лондонун мәркәзи хијабанында вәһшиҹәсинә дөјүб.
Ҹорҹ Галловај сионист режиминин сијасәтләрини кәскин мәһкум едән вә Фәләстин халгынын һүгугларынын мүдафиәсинә галхан бир сијасәтчидир. О, һәр һәфтә әл-Мәјадин ТВ каналында чыхыш едир.
әл-Мәјадин ТВ каналынын Лондондакы мүхбири бу һаггда данышараг билдириб: “Галловај Лондонун мәркәзи хијабанларынын бириндә дурараг бир нечә нәфәр илә јадиҝар шәкил чәкдирмәк истәјәркән гәфиләтән намәлум бир шәхсин һүҹумуна мәруз галараг, вәһшиҹәсинә дөјүлүр. Ҹорҹ Галловаја зәрбәләр ендирән шәхс тутулараг полис бөлмәсинә апарылыб. Барәсиндә истинтаг иши ачылыб”.
Гејд едәк ки, Ҹорҹ Галловај Иран Ислам Республикасынын Инҝилис дилиндә јајымладығы “Пресс ТВ” каналынын мүхбири вә ејни заманда Инҝилтәрә Парламентинин нүмјәндәсидир. О, парламентдә АБШ-ын Јахын Шәргдә јүрүтдүјү сијасәтләрә вә ишғалчы исраил режиминә гаршы кәскин мөвгеи илә, һәмчинин Фәләстин Халгынын Һүгугларынын бәрпасы уғрунда чалышан бир сијасәтчи кими таныныр.
Диггәт: Хәбәрдән истифадә етдикдә мәнбәјә истинад лазымдыр
