Украjна президенти Керри, Олланд вә Меркели атәшкәсин даjандырылмасы барәдә мәлуматландырыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Украjна президенти Пjотр Порошенко АБШ дөвләт катиби Ҹон Керри, Франса президенти Франсуа Олланд вә Алманиjа канслери Анҝела Меркел илә телефон әлагәси jарадараг өлкәнин шәргиндә атәшкәс режиминин даjандырылмасына даир вердиjи гәрар барәдә мәлуматландырыб
АПА-нын “Ҝазета.ру”jа истинадән вердиjи хәбәрә ҝөрә, бу барәдә Украjна президентинин рәсми саjтында билдирилир.   
“Данышыглар заманы Пjотр Порошенко беjнәлхалг васитәчиләрә билдириб ки, иjунун 30-да jерли вахтла 22.00-да (Бакы вахты илә 00.00-да) атәшкәс режиминин мүддәти сона чатыб вә Милли Тәһлүкәсизлик вә Мүдафиә Шурасынын кечирилмиш иҹласынын jекунларына әсасән, атәшкәс режиминин мүддәтинин узадылмамасына даир гәрар верилиб”, деjә мәлуматда билдирилир.    
АPA
Диггәт: Хәбәрдән истифадә етдикдә мәнбәjә истинад лазымдыр