Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, һәр ил олдуғу кими бу ил дә мүгәддәс Гум шһәринин мөмин әһалиси тарихин ган јаддашына јазылан вә Иран Ингилабынын Башланғыҹы олан Һиҹри Шәмси тарихи илә 1342-ҹи ил 15 Хордад Ганлы Гјамынын илдөнүмү мүнасибәти илә АБШ, ишғалчы исраил режими вә дүнја империализиминә гаршы етираз аксијасы кечирдибләр.
Гејд едәк ки, 1963-ҹү илин 5 ијунуна тәсадүф едән Мәһәррәм ајы Иран тарихиндә Имам Хомејни тәрәфиндән атылан ән ҝениш масштаблы аддымлардан бири иди. Едилән хүтбәләр, јатмыш виҹданларын ојанмасы јолундакы ҹәһдләр Ашура ҝүнү јүз минләрлә инсанын күчәләрә чыхараг "Мәрмәр" сарајына тәрәф јүрүш едәрәк "диктатора өлүм олсун!" шүарыны сәсләндирмәсинә сәбәб олду. Сонракы ҝүнләрдә халг Имамы, онун һагг ишини дәстәкләмәк үчүн университетләрдә, базар вә хијабанларда, Инҝилтәрәнин сәфирлији гаршысында нүмајишләр тәшкил етди. 1963-ҹү илин Ашурасында Имамын "Фејзијјә" мәдрәсәсиндә шаһын халгы истисмар етмәсини, сәрвәтләринин хариҹи дөвләтләрә ахмасыны вә Фәләстин торпагларыны ишғал етмиш ганичән исраил режими илә иш бирлијини диггәтә чәкәркән "15 хордад" гијамынын әсасыны тәшкил едән тарихи нитгини сөјләди.
Бу мәгсәдлә гијамы јатырмаға чалышан шаһ Һиҹри Шәмси тарихи илә 1342-ҹи ил «14 хордад», милади тарихи илә 1963-ҹү ил ијун ајынын 05 тарихиндә ҝеҹә јарысы Имамын дост вә мәсләкдашларыны һәбс етдирди. Шәһәрә јеридилән јүзләрлә гвардијачылар Имамын евини мүһасирәјә алдылар. Намаз гылмагла мәшғул олан Имамы һәбс едиб Теһрана апардылар, өнҹә "Забитләр клубу" адланан һәбсханаја, даһа сонра исә "Гәср" адлы зиндана салдылар.
Имамын һәбс хәбәрини гәзәблә гаршылајан күтлә "Ја өлүм, Ја Хомејни" шүары илә күчәләрә ахышдылар. Гәзәбли инсан күтләси Мәсумә (с.ә.) ханым һәрәминин әтрафына топлашараг баш вермиш һадисәјә кәскин етиразыны билдирәркән шаһ буна өзүнәмәхсус ҹаваб верди. Шәһәри долдуран гвардија етираз едән әһалини автомат вә пулемјотларла сусдурмаға чалышды. Бир ҝөз гырпымында әтраф гана бојанды. Гум сәмасыны ҝурултулу сәсләрлә ваһимәјә салан гырыҹы тәјјарә вә вертолјотлар бүрүдү. Бир нечә саат әрзиндә гијамы амансызлыгла јатырдылар...
«Хордадын 15»-и сүбһ чағы ингилаб рәһбәринин һәбси Теһранда, Мәшһәддә, Ширазда да күтләнин етиразы илә гаршыланды вә нәтиҹә Гумда баш верәндән һеч нәдә фәргләнмәди...
Бүтүн бу һадисәләрә бахмајараг "15 хордад" Иран Ислам Ингилабынын башланғыҹы олду...
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
