Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Шурасы Мәҹлисинин Милли Тәһлүкәсизлик вә Хариҹи Сијасәт комиссијасынын сәдри Әли Лариҹанынын сәдирлики вә Суријаја дост олан өлкәләрин Милли Тәһлүкәсизлик Комиссијалары рәһбәрләринин иштиракы илә бу ҝүн Теһранда “Суријанын Достлары” 2-ҹи иҹласы кечирилиб.
Мәлумата ҝөрә, рәсми сесијада 28 өлкә нүмајәндәләри иштирак едиб.
Суријанын Достлары олан өлкәләрин милли тәһлүкәсизлик комиссијаларынын рәһбәрләринин иҹласы сионист режим гаршысында мүгавимәтин өн ҹәбһәси олараг Суријадакы тоггушмалара сон гојмаг вә бу өлкәдә сүлһ вә тәһлүкәсизлијин бәргәрар олунмасына көмәк етмәк мәгсәдилә Иран ислам Республикасынын сијасәтләри чәрчивәсиндә кечирилиб.
Иран Ислам Шурасы Мәҹлисинин Милли Тәһлүкәсизлик вә Хариҹи Сијасәт комиссијасынын сәдри Әли Лариҹани Сурија халгына һуманитар јардымларын давам етмәсинин ваҹиблијини вурғулајараг дејиб: Өтән үч илдә Сурија халгына мүхтәлиф санксијаларын тәтбиг олундуғуна ҝөрә бу өлкә халгы һуманитар јардымлар, о ҹүмләдән гида вә дәрман препаратларына еһтијаҹлыдыр.
Сесијада һәмчинин АБШ режиминин террорчу груплашмалара бир даһа силаһ вә азугә јардымлары ајырмасы кәскин сүрәтдә мәһкум едилмиш вә бу аддымын АБШ режими үчүн нөвбәти утанҹвериҹи бир һәрәкәт олдуғу билдирилмишдир.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
