“Биз һиҹабла да өндә олмағы баҹарырыг вә бунунла фәхр едирик” Мәктәблинин һиҹабы

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Орта мәктәбләрдә ваһид мәктәбли формасынын тәтбигиндән сонра һиҹаблы шаҝирдләрлә бағлы проблемләр jашанды. Инанҹлы тәбәгә гадағаны бирмәналы гаршыламады. Һәтта бир нечә етираз аксиjасы кечирилди. Тәһсил Назирлиjи гаршысында мүхтәлиф вахтларда кечирилән аксиjалара ҝөрә онларла инанҹлы һәбс һәjаты jашаjыр.
Јени тәһсил назири Микаjыл Ҹаббаров исә бәjан етди ки, һиҹаблы шаҝирдләрин орта мәктәбләрә бурахылмасы тәһсил мүәссисәләринин дахили низамнамәсинә уjғун тәнзимләнир.

Вахтилә jүзләрлә шаҝирди тәһсилдән jаjындыран һиҹаб гадағасы гануни, һүгуги, мәнәви даjаглара сөjкәнирми? Експертләрә үз тутдуг.
ИРЕХ Ресурслар Мәркәзинин рәһбәри, һүгугшүнас Әләсҝәр Мәммәдли деjир ки, ушагларын һиҹаб ҝеjими онларын виҹдан азадлығыны мүәjjән едәҹәк jашда олдуғу анламына ҝәлмир: “Азәрбаjҹан ганунвериҹилиjиндә виҹдан азадлығы вар. 18 jашдан ашағы ушаглара исә ваһид ҝеjимин тәтбигини виҹдан азадлығына мүдахилә кими гиjмәтләндирмәк дүз деjил. Мәктәбләрдә ваһид форма сосиал вә диҝәр бәрабәрсизликләри өртмәк мәгсәди дашыjыр. Али тәһсил мүәссисәләриндә исә ҝеjимә мүдахилә, хүсусилә бу, инанҹла бағлыдырса, ифадә азадлығына зиддир.”
Һүгугшүнас деjир ки, шаҝирдин баш өртмәси символ, дини атрибут кими гәбул олунур: “Мәктәб дүнjәви олдуғуна ҝөрә һиҹаб гадағасы азjашлынын һүгугуну мәһдудлашдырмыр. Чүнки мәктәблинин, азjашлы ушағын өз ирадәси илә сечим етмәси имканлары һүгугда мөвҹуд деjил. Ушағын һиҹабы даһа чох аиләнин истәjиндән гаjнагланыр. Белә һалда ону сәрбәст бурахмаг вә бу, онун сечимидир демәк һүгуги бахымдан чәтиндир”.
Тарихчи алим Мәһәррәм Зүлфүгарлынын фикринҹә, тәһсилдә әсас форма jох, мәзмундур: “Шаҝирдин тәһсил алмағына һиҹабын һеч бир мәнфи тәсири jохдур. Әксинә, бәзи һалларда гапалы гызларын билик сәвиjjәси диҝәрләриндән даһа jүксәк олур. Инсан ифрата вармадан өз истәдиjи кими ҝеjинә биләр. Ачыг-сачыг ҝеjинмәjин, еjни заманда үзү гапаjан өртүjүн дә әлеjһинәjәм”.
Јазычы, депутат Агил Аббас деjир ки, һиҹаба ҝөрә мәктәбдән узаглашан дини мәктәбә ҝетсин. Шаҝирдин мәктәбә һиҹабла ҝетмәjинин гәти әлеjһинә олдуғуну сөjләjән депутат сәбәби шаҝирдләрин һиҹабын маһиjjәтини анламамалары илә изаһ едиб: “Аллаһ, пеjғәмбәр, имамлар мәнә дә әзиздир. Амма инсана евләнмәк һүгугу 18 jашына чатандан сонра верилир. Бу jашдан сонра о, мүстәгил сечим едә биләр”.
Шәргшүнас Вүсал Һәтәмов һиҹаб гадағасына ҝөрә өлкәдә минләрлә шаҝирдин тәһсил һүгугундан мәһрум олдуғуну иддиа едир: “Ганун исә ҝеjимә ҝөрә тәһсил һүгугундан мәһрум етмәjә иҹазә вермир. Белә проблемләр диндарларын марҝиналлашмасы, радикаллашмасы илә нәтиҹәләнә биләр. Һиҹаб “Гуран” һөкмүдүр вә бу һөкм мүзакирә олуна билмәз. Конститусиjа дини етигад азадлығыны бәjан едир. Дөвләт иргиндән, миллиjjәтиндән, дининдән, дилиндән, ҹинсиндән, мәншәjиндән асылы олмаjараг һәр кәсин һүгуг вә азадлыгларынын бәрабәрлиjинә тәминат верир. Инсан вә вәтәндаш һүгугларыны вә азадлыгларыны ирги, милли, дини, ҹинси, әгидә, сиjаси вә сосиал мәнсубиjjәтә ҝөрә мәһдудлашдырмаг гадағандыр. Ганунларымыз һиҹаба гадаға гоjмурса, демәли, проблем сүнидир. Белә һаллар дин-дөвләт мүнасибәтләринә зәрбә вурур”.

Аjтаҹ Исмаjылова исә jенә дә һиҹабла мәктәбә ҝедир, тәһсилини давам етдирир. Деjир сүбут етмәjә чалышырам ки, һиҹаб елмләнмәjә, уғур газанмаға чәпәр чәкмир: “Биз һиҹабла да өндә олмағы баҹарырыг вә бунунла фәхр едирик”
Cenubnews.com
Диггәт: Хәбәрдән истифадә етдикдә мәнбәjә истинад лазымдыр