Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Рәҹәб аjынын фәзиләтләри
"Рәҹәб, Беһиштдә сүддән ағ, балдан ширин бир чаjын адыдыр.”
Бисмиллаһир-Рәһманир-Рәһим!
Әлһәмду лиллаһи Рәббил-аләмин! Аллаһ Тәбарәк вә Тәаланын рәһмәт вә мәрһәмәтиндәндир ки, еһсан етдиjи саjсыз - есабсыз немәтләр мүгабилиндә шүкүрсүзлүjә гапылан гулларыны мәһвә мәһкум етмәмиш, jол вердикләри һәр нөгсан вә ҝүнаһа ҝөрә, онлара бәла ҝөндәрмәмишдир. “Әрһәмәр-Раһимин” олан Аллаһ, бәндәләринин ҝүнаһдан тәмизләниб, гәлбләринин иманла долмасы, беләликлә дә, Аллаһа jахынлашмалары үчүн, мүәjjән васитәләр гәрар вермишдир. О васитәләр ки, һәгигәтән дә, онлардан лазымынҹа истифадә едә билсәк, хеjир әлдә едәнләрдән вә ниҹат тапанлардан оларыг. Шәрафәт вә фәзиләти бөjүк олан, дуа вә ибадәт аjы кими таныдығымыз үч аj-Рәҹәб, Шабан вә Рамазан аjлары да, һәмин васитәләрдәндир.
Аллаһын лүтфүнә чатмағымыз, ҝүнаһларымызын бағышланмасы үчүн, фүрсәтдир ки, бу аjлардан истифадә едиб фаjдаланаг! Ибадәт етмәк, оруҹ тутмаг, Аллаһдан бағышланма диләjиб төвбә етмәк вә дуаjа мәшғул олмаг, адлары чәкилән аjларда даһа чох төвсиjjә едилмишдир. Мүсәлман шәхс, бу заман чәрчивәсиндә, мәнәвиjjатыны камилләшдирмәк вә нураниjjәтини артырмаг үчүн, ҝөзәл шанс газаныр. Ахирәт азугәси топламаг үчүн, бу аjлар мүнасибдир. Бу үч аjын, һәр биринин өзүнәмәхсус фәзиләт вә бәрәкәти, еләҹә дә, бир чох дуа вә әмәлләри вардыр. Аллаһ, бу мүбарәк аjлары ибадәтлә кечирән бәндәләринә, дүнjа вә Ахирәт сәадәти вәд етмишдир. Бәли, бу аjларын биринҹиси Рәҹәб аjыдыр.
Рәҹәб аjы, һиҹри тәгвиминин 7-ҹи аjыдыр. Бу аj, Аллаһын мүсәлманлара бәхш етдиjи лүтфдүр. Бу аj, Исламда мүгәддәс, мүбарәк, кәрамәтли аj һесаб едилир. Имам Казимын (ә) тәбири илә десәк, Рәҹәб, Беһиштдә сүддән ағ, балдан ширин бир нәһрин (чаjын) адыдыр. Еjни заманда, Рәҹәб аjы, һарам саjылан аjлардан биридир. Һарам аjлар 4-дүр: Зил-гәдә, Зил-һиҹҹә, Муһәррәм вә Рәҹәб. Бу аjлар “Әшһурул-Һурум” адланыр вә бу аjларда мүһарибә етмәк һарамдыр. Гуранда “һарам аjлар” һаггында белә буjурулур: “Һәгигәтән, Аллаһ jанында аjларын саjы ҝөjләри вә jери jаратдығы ҝүндән бәри Аллаһын Китабында он икидир. Онларын дөрдү һарам аjлардыр.” (Төвбә 36) Демәли, Рәҹәб аjы, һәм дә, әмниjjәт, раһатлыг, архаjынлыг аjыдыр. Мүсәлманларын бу аjда даһа чох ибадәт вә итаәт етмәк имканы вардыр.
Бу аjын фәзиләти һаггында, бир һәдисиндә Һәзрәт Пеjғәмбәр (с) белә буjурур: “Рәҹәб аjы, бөjүк аjдыр, һөрмәт вә фәзиләтдә һеч бир аj, она чатмаз вә кафирләрлә гитал, бу аjда һарамдыр. Рәҹәб Аллаһын аjы, Шәбан мәним аjым, Рамазан исә, мәним үммәтимин аjыдыр. Рәҹәб аjында, 1 ҝүн оруҹ тутан шәхс, Аллаһ-Тәаланын ризаjәтинә сәбәб олар, Илаһи гәзәб ондан узаг олар вә Ҹәһәннәм гапыларындан бири, онун үзүнә бағланар.” Ҝөрдүjүмүз кими, шәриф һәдис бөjүк мәна кәсб етмәкдәдир. Әҝәр биз һәдиси 2 һиссәjә бөлсәк, ҝөрәрик ки, 1-ҹи һиссәдә бу аjын бөjүклүjүндән, һөрмәт вә фәзиләтиндән бәһс едилмишдир. Пеjғәмбәримиз (с) “һөрмәт вә фәзиләтдә һеч бир аj, она чатмаз” буjуруғунда, бу аjын фәзиләти ачыгҹа бәjан едилмишдир.
Һәзрәтин (с) даһа сонра, Рәҹәб аjынын Аллаһ аjы олдуғуну вурғуламасы, бир даһа бу аjын мөһтәшәмлиjиндән, әзәмәтиндән хәбәр верир. 2-ҹи һиссәjә ҝәлдикдә исә, бу аjда бирҹә ҝүн белә оруҹ тутмағын, һансы газанҹын әлдә едилмәсинә сәбәб олмасындан данышылыр. Рәҹәб аjынын бир хүсусиjjәти дә вардыр ки, бу аjда ибадәт едән бәндәләрин “һәсәнә” (jәни, jахшы олан) әмәлләрини Аллаһ-Тәала бир нечә дәфә артырыр, пис әмәл вә ҝүнаһлары jуjуб апарыр (jәни, бағышлаjыр). Имам Казим (ә) буjурур: “Рәҹәб бир әзәмәтли аjдыр ки, Аллаһ Тәала о аjда jахшы әмәлләри нечә дәфә артырар вә ҝүнаһлары о аjда мәһв едәр...” Бизим үзәримизә дүшән вәзифә, бу аjын бәрәкәтиндән истифадә едиб фаjдаланмаг вә бу аjы ҝөзәл шәкилдә дәjәрләндирмәкдир.
Рәҹәб аjы төвбә вә “истиғфар” аjыдыр
Рәҹәб аjы, һәмчинин, төвбә етмәк, Аллаһдан ҝүнаһларын бағышланмасыны истәмәк үчүн дә, мүнасиб вә әлверишли аjдыр. Бу аj, бизләрә фүрсәт верир ки, Аллаһ дәрҝаһында төвбә едәк, ҝүнаһларымызын силинмәсини, сәһвләримизин бағышланмасыны Аллаһдан истәjәк. Аллаһын төвбә гапысы һәр заман бәндәләринин үзүнә ачыгдыр, амма, Аллаһ һөрмәтли гәрар вердиjи бу аjын хатиринә, бу аjда төвбә едәнләрин төвбәсини даһа тез гәбул едир. Одур ки, даһа чох “истиғфар” етмәли, Аллаһын рәһмәтинә сығынынб, бу мүбарәк аjда, ҝүнаһларымызын бағышланмасыны диләмәлиjик! Имам Садиг (ә) һәзрәт Пеjғәмбәри-Әкрәмин (с) белә буjурдуғуну нәгл едир: “Рәҹәб аjы, мәним үммәтимин истиғфар аjыдыр. Бу аjда ҝүнаһларын бағышланмасыны диләjин ки, Аллаһ-Тәала бағышлаjан вә меһрибандыр. Белә исә “әстәғфируллаһә вә әсәлуһут-тәубә” зикрини чохлу деjин.” Һәзрәт Пеjғәмбәрдән (с) ашағыдакы мәзмунда һәдис нәгл едилмишдир: “Һәр ким рәҹәб аjында 100 дәфә “әстәғфируллаһәл-ләзи лә иләһә иллә һувә вәһдәһу лә шәрикә ләһу вә әтубу иләjһ” десә вә охудуғу бу дуаны сәдәгә илә хәтм етсә, Аллаһ да, онун вәзиjjәтни рәһмәт вә мәғфирәтлә илә хәтм едәр. Вә һәр ким бу зикри 400 дәфә десә, онун үчүн 100 шәһидин савабыны jазарлар». Илаһи, бизләри, бу аjда төвбә вә “истиғфар” едәнләрдән вә төвбәләри гәбул олунмуш кимсәләрдән гәрар вер, Амин!
Рәҹәб әһли, Беһишт әһлидир.
Рәҹәб аjында оруҹ тутан, төвбә едиб мәғфирәт диләjән, бир сөзлә ибадәт едән кимсәләр, бу аjын һөрмәтини уҹа тутан, Аллаһын разылығыны дүшүнән кимсәләрдир. Онлар һәдисдә “Рәҹәб әһли”, “Рәҹәб аjынын ҹамааты” кими тәгдим едилмишдир. “Рәҹәб әһли” бу аjы ихлас илә ибадәт едәнләрдир ки, Аллаһ-Тәала онлара Беһиштдә сараjлар вермиш, онларын чөһрәсини нурлу етмиш, бу нурдан әтрафдакылары да, фаjдаландырмышдыр. Аллаһ-Тәала бу инсанлары мүбарәк гылмыш, мәгамларыны әзиз тутмуш, онларын башларына дүрр вә jагутла бәзәдилмиш султанлыг таҹлары гоjмуш вә ким билир башга һансы немәтләри онлара әта етмишдир.
Имам Садиг (ә) буjурур. “Гиjамәт ҝүнү, ҹарчы әршин бәтниндән бир фәрjад чәкәр: Еjнәр-Рәҹәбиjjун? (Рәҹәб әһли һарададыр?) Вә инсанлардан бир груп аjаға галхар вә онларын симасынын нуру топлума ишыглыг вә нураниjjәт верәр. Бу инсанларын башларынын үзәринә дүрр вә jагутла зинәтләнмиш султанлыг таҹлары гоjулар. Онларын һәр биринин сағ тәрәфиндә 1000 мәләк вә сол тәрәфиндә 1000 мәләк олар вә онлар деjәрләр: Еj Аллаһын бәндәси! Хош ҝәлмисән! Аллаһын сәнин үзәринә әта етдиjи, сәнин үзәринә мүбарәк олсун! Бу заман, Аллаһ тәрәфиндән нида ҝәләр: Еj мәним гадын вә киши бәндәләрим! Иззәт вә Ҹәлалыма анд олсун ки, сизин мүбарәк мәгамынызы әзиз тутаҹағам вә сизә чохлу саjда әталар бәхш едәҹәjәм вә сизә Беһиштдә сараjлар верәҹәjәм ки, орада әбәди галаҹагсыныз. Вә нә ҝөзәл мүкафатдыр о кәсләр үчүн ки, чалышмышдылар. Сиз, көнүллү сурәтдә мәним хатиримә бир аjда ки, онун һөрмәтини уҹа тутдум вә һаггынын риjаәт олунмасыны ваҹиб билдим-оруҹ тутдунуз. Еj мәним мәләкләрим! Бу киши вә гадын бәндәләрими Беһиштә апарын! Бу мүкафат о кәс үчүндүр ки, бу аjын бир мигдарында оруҹ тута. Вә һәтта, 1 ҝүн олса белә-әввәлиндә, ортасында вә jа ахырында.” Бәли, һәмин инсанларын мүкафаты Беһиштдир. Чүн ки, бу инсанлар Рәҹәб аjыны ибадәтлә кечирмиш, бу аjы һөрмәтли аj һесаб едиб мәгамыны уҹа тутмушлар вә бу аjын ҹамааты олмушлар. Аллаһ-Тәала өзү зәманәт вермишдир ки, “Рәҹәб әһли”, Беһишт әһлидир, Беһиштдә әбәди галаҹаг кимсәләрдир. Илаһи, бизи Рәҹәб аjыны ибадәтлә кечирәнләрдән вә бу мүбарәк аjын ҹамаатындан гәрар вер, Амин!
Рәҹәб аjында оруҹ тутмаг
Рәҹәб аjында оруҹлу олмаг, мүсәлманлара төвсиjә едилмишдир. Бу аjын оруҹу, бир нечә тәрәфдән фаjдалыдыр. Һәр шеjдән әввәл оруҹ тутмаг, бу аjда бәjәнилмиш вә мүстәһәб әмәлләрдән биридир вә сәбәб олур ки, ҝүнаһлар бағышлансын. Бу аjын оруҹуну тутмаг, инсаны пәһризкар олмаға чағырыр вә нөвбәти аjларын-Шабан вә Рамазан аjларынын оруҹунун мүгәддимәси саjылыр. Бундан әлавә, бу аjын оруҹу, Шабан, хүсусән Рамазан аjынын ваҹиби оруҹуну jеринә jетирмәк үчүн, һазырлыг мәрһәләсидир. Рәҹәб аjында оруҹ тутан шәхс, артыг һәм ҹисмән, һәм руһән Рамазанын ваҹиби оруҹундан өтрү, бир нөв һазырлыглы олур. Рәҹәб аjында мүмкүн гәдәр бу вә диҝәр ибадәтләри jеринә jетирмәк, иманы ҝүҹләндирән амилдир. Рәҹәб аjынын оруҹуну тута билмәjәнләр, саваба наил олмаг үчүн, сәдәгә версинләр, имкансыз шәхсләрә jардым етсинләр.
Һәдисләрдә Рәҹәб аjынын оруҹу
Инди исә, ҝөрәк Мәсумларын (ә) буjурдуғу һәдисләрдә, Рәҹәб аjында оруҹ тутан кимсәләрә верилән Илаһи сәрмаjә нәдир ки, Гиjамәт ҝүнү онларын карына чатаҹагдыр! Геjд етдик ки, Пеjғәмбәри-Әкрәм (с) Рәҹәб аjында бир ҝүн дә олса, оруҹ тутан кимсәләрин, Аллаһын ризаjәтинә сәбәб олаҹагларыны, Илаһи гәзәбин онлардан узаг олаҹағыны вә Ҹәһәннәм гапыларындан биринин, онларын үзүнә бағланаҹағыны буjурмушду. Бир башга һәдисдә, Имам Казимин (ә) белә буjурдуғу нәгл едилир: “Рәҹәб, Беһиштдә сүддән ағ, балдан ширин бир нәһрин (чаjын) адыдыр. Рәҹәб аjында бир ҝүн оруҹ тутан шәхс, мүтләг о нәһрдән ичәҹәкдир.” “Еjнәр-Рәҹәбиjjун” һәдисинин сонунда да, өз истәjи илә Аллаһ ризасы үчүн оруҹ тутан киши вә гадынларын, Аллаһын әмри, мәләкләрин васитәсилә Беһиштә апарылмаларындан бәһс едилмишдир. Ҝөрүн бу мүбарәк аjда бирҹә ҝүн оруҹ тутмаг, бизә нәләр газандырыр!
Ибн Бабивеj адлы бир шәхс, мөтәбәр сәнәдлә Салимдән рәваjәт етмишдир: “Рәҹәб аjынын ахырына бир нечә ҝүн галмыш, Имам Садигин (ә) һүзуруна ҝетдим. О һәзрәт мәни ҝөрән кими сорушду: Бу аjда оруҹ тутмусанмы? Дедим: Јох! Јәбнә Рәсуләллаһ. Һәзрәт буjурду: О гәдәр саваб әлиндән чыхыбдыр ки, онун мигдарыны Аллаһдан башга һеч кәс билмир. Бу елә бир аjдыр ки, Аллаһ-Тәала ону башга аjлара фәзиләтли гәрар вериб вә һөрмәтини бөjүк тутуб. Сонра дедим: Јәбнә Рәсуләллаһ, галан ҝүнләри оруҹ тутсам, онун бәзи савабларына наил ола биләрәм? Буjурду: Еj Салим! Аллаһ бу аjын ахырындан 1 ҝүн оруҹ тутан шәхси, өлүм чәтинлиjиндән, өлүмдән сонракы горхудан вә гәбр әзабындан сахлаjар. Онун ахырында 2 ҝүн оруҹ тутан шәхс, сиратдан асанлыгла кечәр. 3 ҝүн оруҹ тутан шәхс исә, Гиjамәт ҝүнүнүн бөjүк горхусундан аманда галар.” Имам Казим (ә) буjурур: “...Бәс һәр кәс ки, Рәҹәб аjында 1 ҝүн оруҹ тутса, ҹәһәннәмдән бир иллик jол мигдарында узаглашар вә һәр кәс о аjда 3 ҝүн оруҹ тутса, беһишт она ваҹиб олар” Мүсәлманлар бу Илаһи мүкафатлара лаjиг ҝөрүлмәк истәмәзләрми? Белә бир мәгама чатмагдан өтрү сәj етмәзләрми?
Рәҹәб аjынын бәзи әмәлләри
Һәдисләрдә Рәҹәб аjынын әмәлләринин 2 гисим олдуғу билдирилмишдир. 1-ҹи гисим әмәлләри, бу аjын бүтүн ҝүнләриндә jеринә jетирмәк олар. Јәни, һәмин әмәлләр мәхсуси 1 ҝүн үчүн деjилдир. 2-ҹи гисим әмәлләр исә, мүәjjән едилмиш ҝүн ҝеҹәләрдә jеринә jетирилир.
Бу аjын 1-ҹи ҝеҹәсиндә, бир кәсин аjы ҝөрдүкдә бу дуаны охумасы мүстәһәбдир. “Аллаһуммә әһилләһу әләjнә биләмни вәлимани вәссәләмәтә вәл-Исләми рәбби вә рәббукәллаһу әззә вә ҹәллә.” Һәмчинин, бу аjын әввәлиндә, ортасында вә ахырында гүсул етмәк мүстәһәбдир. Бир кәс бу ҝүнләрдә гүсул едәрсә, ҝүнаһлары бағышланар.
Рәсули-Әкрәм (с) буjурур: “Рәҹәб аjынын әввәлиндә, ортасында вә ахырында гүсул едән шәхс, о аjдан чыханда, дүнjаjа ҝәләндә пак олдуғу кими, ҝүнаһлардан пакланыр.” Бу ҝеҹәнин мүстәһәб әмәлләриндән 1-и дә, Имам Һусеjнин (ә) вә диҝәр Мәсумларын (ә) пак һәрәмини зиjарәт етмәкдир. Бу ҝеҹәдә мүстәһәбдир ки, мөминләр намаз гылсын, вә бир-бирини дуа етсинләр. Рәҹәбин 1-ҹи ҝүнү, оруҹ тутмаг мүстәһәбдир. Рәваjәтдә вардыр ки, Һәзрәт Нуһ (ә) ҝәмиjә бу ҝүн минмиш, вә ҝәмиjә минәнләрә оруҹ тутмағы әмр етмишдир. Бу ҝүн дә, гүсул етмәк вә Имамлары (ә) зиjарәт етмәк мүстәһәбдир. Имам Багир (ә) да, бу ҝүн, jәни, Рәҹәб аjынын 1-и дүнjаjа ҝәлмишдир. Рәҹәбин 13-ҹү ҝүнү, оруҹ тутмаг мүстәһәбдир. Бу ҝүнүн бир әламәтдарлығы да, будур ки, мөминләрин әмири һәзрәт Әли (ә) бу ҝүн мүгәддәс Кәбә евиндә дүнjаjа ҝәлмишдир.
Бу аjын 15-ҹи ҝеҹәсиндә дә, гүсул етмәк, Имамлары (ә) зиjарәт етмәк, намаз гылмаг, һәтта, оjаг галыб ибадәт етмәк мүстәһәбдир. Рәҹәб аjынын 15-ҹи ҝүнү, намаз гылыб оруҹ тутмаг төвсиjә едилмишдир. Рәjjан ибн Әссәлтдән белә нәгл едирләр: “Имам Ҹавад (ә) Бағдадда олан заман, рәҹәб аjынын 15-и вә 27-си оруҹ тутду. Һәзрәтин (ә) әтрафында оланлар да, оруҹ тутдулар. Һәзрәт (ә) бизи, 12 рәкәт намаз гылмаға әмр етди.” Һәмчинин, гүсул етмәк вә Имам Һусеjни (ә) зиjарәт етмәк дә, бу ҝүнүн мүстәһәбатындандыр. Ибн Әби Нәср деjир: “Имам Рзадан (ә), Имам Һусеjни (ә) һансы аjда зиjарәт етмәjи сорушдум. Һәзрәт буjурду: Рәҹәб вә Шабан аjларынын jарысында.” Рәҹәб аjынын 27-ҹи ҝүнү, шәрафәтли ҝүнләрдән биридир. Бу ҝүн, Исламын баjрамы вә зүһур етдиjи ҝүндүр. Бу ҝүн мәбәс, jәни, һәзрәт Муһәммәдин (с) пеjғәмбәрлиjә сечилдиjи ҝүндүр.
Бир нечә әмәл, бу ҝүндә мүстәһәбдир. О ҹүмләдән гүсул етмәк, оруҹ тутмаг, салават зикр етмәк, Мәсумлары (ә) зиjарәт едиб дуа етмәк вә тәjин едилмиш дуалары охумаг бу ҝүн мүстәһәбдир. Бу ҝүн, ил әрзиндә һәмин 4 ҝүндән биридир ки, о ҝүнләрдә оруҹ тутмаг, 70 илин (мүстәһәб) оруҹуна бәрабәрдир. Одур ки, бу ҝүн оруҹ тутмаг фаjдалыдыр. Рәҹәбин сонунҹу ҝүнү, мүстәһәбдир ки, мөминләр гүсул етсин, оруҹ тутсунлар вә намаз гылыб чохлу дуалар етсинләр. Бу ҝүндә тутулан оруҹ, ҝүнаһларын бағышланмасына сәбәб олур. (Рәҹәб аjынын әмәлләри һаггында әтрафлы мәлумат үчүн, “Мәфатиһул-Ҹинан” китабына мүраҹиәт едә биләрсиниз!)
Диггәт: Хәбәрдән истифадә етдикдә мәнбәjә истинад лазымдыр
İslamazeri.az
