Әһли Бејт (әлејһимус сәлам) -АБНА- Хәбәр Аҝентлији- Ислам Дини инсаны јарадылыш аләминин үстүн варлығы кими дәјәрләндирир, она һөрмәтлә јанашыр. Мәһз бу сәбәбдән дә онун кәмал гүлләсинә чатмасы үчүн бу јолда она бир сыра дүстурлар вериб. Инсанын сәадәт вә бәдбәхтчилији онун бу Илаһи ҝөстәришләрә неҹә әмәл етмәсиндән аслыдыр.
Ислам бәшәријјәтин тәкмилләшмәси јолунда һәтта онун ад сечиминә белә диггәт јетирәрәк ҝөзәл вә мәналы адла сәсләнмәсини тәләб едир. Мәсумлардан (Аллаһын сәлам вә рәһмәти онлара олсун) бизә ҝәлиб чатан һәдисләрә вә онларын рәфтарларына диггәт јетирдикдә “Адын” инсан һәјатында бөјүк рол ојнадығыны, хошбәхт вә бәдбәхт олмасында нә дәрәҹәдә тәсирли олдуғуну мүшаһидә едирик. Ҝөзәл ад инсанын талејини ҝөзәлләшдирәр пис вә шәрр адлар инсанын һәјатыны зүлмәт вә тәлатүмлү едәр.
Әзиз Ислам Пејғәмбәри (сәлләллаһу әлејһи вә алиһ) бујуруб:
رَسُول اللهِ صلی الله علیه و آله:
بادِرُوا اَولادَکُم بِالکُنی قبل اَن تَغلِبَ عَلَیهِمُ الاَلقابُ .(کنز العمال- جلد 16(
Өвладларынызаписләгәбләргојулмамышданөнҹәонлараҝөзәлләгәбләр, күнјәләр (вәадлар) гојун. (Кәнзүл Үммал, ҹилд 16)
P.S: Һәр бир инсан ҹәмијјәтдә валидејнинин ады илә, (миссал олараг Ибни Һәҹәр јәни Һәҹәрин оғлу) вә јахуд өвладынын ады илә, (миссал олараг Әбул Һәсән јәни Һәсәнин атасы) чағрыларса бу ада күнјә дејилир. Әлбәтдә күнјәдә шәхсин һәмин адда мүтләг бир өвлады олмасы шәрт дејил мисал олараг һәзрәти Имам Әлијә (әлејһис сәлам) Пејғәмбәр (сәлләллаһу әлејһи вә алиһ) тәрәфиндән Әбу Тураб јәни Турабын атасы күнјәсинин верилмәси.
ИмамРза (әлејһисәлам) бујурур:
اَوَّلُ ما یَبُرُّ الرَّجُلُ وَلَدَهُ أن یسَمَّیهُ بِاِسْمٍ حَسَنٍ فَلْیحْسنَ اَحَدُکمْ اِسْمِ وَلَدِهِ؛.(وسائل الشعیه- ص 126)
Һәр бир кишинин өвладына едә биләҹәк илк јахшылыг ушағына ҝөзәл ад гојмасыдыр. Өзөвладларынызаҝөзәладларгојун. (Вәсаилуш Шиә, сәһ. 126)
Имам Рза (әлејһи сәлам) диҝәр бир һәдисдә бујурурлар:
سلیمان جعفر قال:سَمعتُ اَبَا الحسن علیه السلام یقول: لا یَدخُلَ الفَقرَ بَیتاً فیه اِسمُ مُحَمَّدٍ اَو اَحمَدَ، اَوعَلیٍّ اَوالحَسَنِ اَوالحُسَینِ لَو جَعفَرِ اَو طالِبٍ لَو عَبدِاللهِ لَو فاطِمَةَ مَنِ النِساء.(وسائل الشیعه،جلد 15،ص 129)
Һәр бир евдә әҝәр Муһәммәд, Әһмәд, Әли, Һәсән, Һүсејн, Ҹәфәр, Талиб, Әбдуллаһ вә Фатимә адлары оларса фәгирлик (мадди вә мәнәви касыбчылыг) һеч заман о евә дахил олмаз. (Вәсаилуш Шиә, ҹилд 15, сәһ. 129)
Пис адларын дәјишдирилиб јахшы адларын гојулмасы
Ибни Өмәр нәгл едир:
Кәсир ибн Самитин ады әслиндә “Гәлил” (јәни аз) иди, Пејғәмбәр һәзрәтләри (сәлләллаһу әлејһи вә алиһ) онун адыны дәјишиб “Кәсир” (јәни чох) гојду. Мути ибн Әсвәдин ады да әслиндә “Ас” (јәни үсјан едән) иди һәзрәти Пејғәмбәр (сәлләллаһу әлејһи вә алиһ) онун адын дәјишиб Мути (јәни итаәткар) гојду. Асим ибн Өмәринанасынын ады да әслиндә “Асијә” (јәни үсјанкар гадын) иди Пејғәмбәр һәзрәтләри (сәлләллаһу әлејһи вә алиһ) онун адыны дәјишәрәк Сәһлә (јәни јүнҝүл вә асан) гојду. (Кәнзүл Үммал, ҹилд 16)
Үмумијјәтлә Ислам Пејғәмбәри (сәлләллаһу әлејһи вә алиһ) инасанларын вә шәһәрләрин пис адларыны дәјишәр вә онлара ујғун ҝөзәл адлар сечәрди. Бәс белә исә биз дә бир инсан олараг әҝәр адларымыз шәхсијјәтимизә ујғун дејлсә вә јахуд һеч бир мәна дашымырса дурмадан ону дәјишмәјимиз мәсләһәтли дејилми?
Амма адыны дәјишдирмәк истәјән вәтәндаш нә етмәлидир?
Азәрбајҹан Республикасынын Президенти јанында Вәтәндашлара Хидмәт вә Сосиал Инновасијалар үзрә Дөвләт Аҝентлији “АСАН хидмәт” мәркәзинә үз тутан вәтәндашдан 9 сәнәд тәләб олунур:
- адын, ата адынын вә сојадын дәјишдирилмәси һаггында әризә ;
- әризә верән шәхсин доғум шәһадәтнамәси;
- әризә верән шәхс никаһдадырса, никаһ һаггында шәһадәтнамә;
- әризә верән шәхсин никаһы позулубса, никаһын позулмасы һаггында шәһадәтнамә;
- әризә верән шәхсин јеткинлик јашына чатмајан ушаглары варса, онларын доғум шәһадәтнамәси;
- шәхсијјәти тәсдиг едән сәнәдин нотариат гајдасында тәсдиг олунмуш сурәти;
- чағырыш мәнтәгәсинә тәһким олунма вәсигәсинин вә ја һәрби билетин нотариат гајдасында тәсдиг едилмиш сурәти;
- әризә верән шәхсин 3х4см өлчүдә 2 әдәд фотошәкили;
- дөвләт рүсумунун (10 манат) өдәнилмәси барәдә сәнәд.
Өзүнүзә вә јахынларыныза ҝөзәл адлар сечин гој һәјатыныз да адыныз кими хош олсун. Һаммыныза мүвәфәгијјәтләр арзулајырыг.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
