Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Шиә Аләминин Али Тәглид Мәрҹәләриндән бири олан Ајәтуллаһ Узма Мәләкути ҹәнабларынын вәфаты илә бағлы Үмүмдүнја Мүсәлманларынын Али Лидери Ајәтуллаһ Узма Хаменеи һәзрәтләри мәрһумун аилә үзвләринә, тәләбәләринә, о бөјүк алимдән тәглид едәнләрә, һәмчинин бүтүн Азәрбајҹан халгына баш сағлығы вериб.
Имам Хаменеи һәзрәтләринин бу мүнасибәтлә вердији месажынын там мәтни беләдир:
Бисмиллаһир Рәһманир Рәһим
Ислам Республикасынын гурлушуна вә Ислам Ингилабы уғрунда чалышан вә б јолда бөјүк хидмәтләр ҝөстәрмиш, Елми Һөвзәләрин бариз алимләриндән бири олан, бөјүк алим, мәрһум Ајәтуллаһ Һаҹ Шејх Мүслим Мәләкути ризвануллаһи тәала әлејһин вәфаты мүнасибәти илә онун әзиз вә мөһтәрәм аиәсинә, шаҝирдләринә, о шәхсијјәтә мәһәббәт бәсләјәнләрә, бүтүн Азәрбајҹан халгына, һәмчинин Тәглид Мәрҹәләринә, Гум Елми Һөвзәнин Алимләринә тәслијјәт әрз едирәм.
Репрессијалар дөнәминдә бу Мүҹаһид Алимин “Ҹаме Мудәррисин”дә (админ: Мүәллимләр Иҹмасы) сијаси фәалијјәтләриндәки даим иштирак етмәси вә (админ: Ислам Ингилабындан) сонра да, онун Гәһрәман Тәбриз шәһәриндә Ҹүмә Намазына Рәһбәрлик сәнҝәриндә, һәмчинин Мүгәддәс Мүдафиә дөнәминдә даим Ислам әсҝәрләри илә бирҝә ҹәбһә бөлҝәләриндә фәалијјәт ҝөстәрмәси парлаг кечмишинин нүмунәләридир ки, Ингилаб тарихинин јаддашындан вә Кирамул Катибинләрин (админ: инсанын јахшы вә пис ишләрини јазан мәләкләр) јазы дәфтәриндән иншаАллаһ һеч заман мәһв олмајаҹаг. Аллаһ Тәаладан онун үчүн али мәртәбәт, Илаһи рәһмәт вә мәғфирәт арзулајырам.
СејјидӘлиХаменеи
02, Ордибеһишт, 1393
(22, Апрел, 2014)
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
