Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Инҝилтәрәдә јашајан Мүсәлман гызлар да Суријаја “никаһ ҹиһады” ады алтында зина етмәјә ҝедирләр. Бу барәдә Күвејтин әл-Рәјул Ам газети билдириб.
Газетин јаздығы мәгаләдә дејилир: “Шотландија Полисинин Террорла Мүбаризә Идарәси билдириб: Һәр ҝүн өтдүкҹә Суријаја дөјүшмәк үчүн ҝедән Инҝилтәрәли ҹаванларын сајы артмагдадыр. Гејд етмәлијик ки, Инҝилтәрәли ҹаван гызлар да “никаһ ҹиһады”н һәјата кечиртмәк мәгсәди илә инҝилтәрәли дөјүшчүләр илә бирликдә Суријаја јолланырлар.”
Инҝилтәрәнин “King College London” адлы мүәссисәсинә бағлы Бејнәлхалг Сијаси екстремизм вә зоракылығ үзрә Тәдгигат Мәркәзи бу барәдә апардығы арашдырмада билдириб ки, Инҝилтәрәдән 4 Мүсәлман гызҹығаз Суријаја ҝедәрәк бурада террорчу үнсүрләрлә “Никаһ Ҹиһады” едирләр.
Бу барәдә ачыглама верән Инҝилтәрә Полисинин Террорла Мүбаризә идарәсинин әлагәләр шөбәәси үзрә мүдри Һелен Пал билдириб: “Инҝилтәрә Полиси Мүсәлман гызларын вә оғланларын аналарыны гане етмәјә чалышыр ки, өз өвладларынын гаршысыны Суријаја ҝетмәкдән алсынлар. Чүнки Инҝилтәрә һөкүмәти Суријаја ҝедәнләрин васитәси илә силаһларын өлкә дахилинә ҝәтиздирилмәсиндән бәрк нараһатчылыг кечирдир.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
