Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Шиә Аләминин Тәглид Мәрҹәси Али Тәглид Мәрҹәси Ајәтуллаһ Узма Вәһид Хорасани ҹәнаблары Гум әјаләтинин “Шәһидләр Идарәси”нин баш мүдири илә кечиртдији ҝөрүшдә билдириб: “Шәһид аиләләринә хидмәт ҝөстәрмәк ән фәзлиләтли ишләрдән биридир. Чүнки, Шәһидләрин јадиҝарлары, өвладлары вә һәјат јолдашлары Әһли Бејтин (әлејһимус сәлам) бизә вердији әманәтләрдир.”
Али Тәглид Мәрҹәси даһа сонра дејиб: “Шәһид аиләләри ҝөј әһли јанында танынмыш инсанлардыр. Һәр ким Мүсәлман бир шәхсин, хүсуси илә дә Әһли Бејтин (әлејһимус сәлам) Јетимләринин (админ: мәгсәд Шиәләрдир) бир проблемини һәлл едәрсә бөјүк мәгам саһибидир.”
Ајәтуллаһ В. Хорасани ҹәнаблары даһа сонра еһтијаҹлы инсанлара хидмәт ҝөстәрмәк һагда рәвајәтләр нәгл едәрәк билдириб: “Һәдисләрдә дејилир ки, һәр ким бир аиләни өз өһдәсинә ҝөтүрәрсә, Аллаһ Тәала ону Беһиштдә өз өһдәсинә ҝөтүрәр. Аллаһ Тәала вә онун Рәсулу (сәлләллаһу әлејһи вә алиһ) јетими, хүсуси илә дә Аллаһы Дини уғрунда өз варлығындан кечән Шәһидин јетим галмыш баласынын өһдәчилијини өз өһдәсинә ҝөтүрән шәхси Ахирәт Евиндә өз өһдәсинә ҝөтүрәрләр.”
Шиә Аләминин Тәглид Мәрҹәси Шәһидләрин аиләләри илә диггәтли рәфтар едилмәсинин зәрури олдуғуну билдирәрәк дејиб: “Бу инсанларын ишләри диггәтлә һәлл олунмалыдыр. Бунлара хидмәт ҝөстәрәнләр билмәлидирләр ки, Шәһид аиләләринә хидмәт ҝөстәрмәк ән ағыр вәзифәләрдән биридир вә бир баша онларын намеи әмалына јазылыр.”
Ајәтуллаһ Вәһид Хорасани сонра билдириб: “Сизин Шәһид аиләләринә хидмәт ҝөстәрмәјиниз Аллаһ тәрәфиндән сизин үзәринизә ачылмыш бир хеј вә бәрәкәт гапысыдыр. Бу Аллаһ Тәаланын һисс олунмаз лүтфләриндән биридир. Бунун гәдрин билин вә әлә дүшмүш бу фүрсәтдән дүзҝүн истифадә един.”
Шиә Аләминин Тәглид Мәрҹәси билдириб: “Шәһидләр Аллаһ јолунда өз ҹанларындан кечибләр. Шәһидин бәдәниндән јерә дүшән илк ган гәтрәсиндә онун бүтүн ҝүнаһлары бағышланылыр. Шәһидләрин јадиҝарларына хидмәт етмәјин дә өзү бөјүк саваба маликдир. ИншаАллаһ хадимләр бу иши дүзҝүн јеринә јетирмәјә мүвәффәг оларлар.”
Сонда Ајәтуллаһ Вәһид Хорасани ҹәнаблары билдириб: “Гурани Кәримә диггәт јетирмәк вә ҝүндәлик Гурани Кәримдән сүрәләр охујуб савабын Имам Заман (Аллаһ онун шәрафәтли ҝәлишини тезләшдирсин) һәзрәтләринә тәгдим етмәк һагда чохлу һәдисләрдә тәкид олунуб. Имам Заманла (Аллаһ онун шәрафәтли ҝәлишини тезләшдирсин) олан һәр ким һәгигәтдә бүтүн Әһли Бејт (әлејһимус сәлам) вә Пејғәмбәрләр (әлејһимус сәлам) илә бирликдәдир. Сиз бизә дуа един биз дә сизин үчүн дуа едирик.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
