Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасында АБШ Мәркәзи Кәшфијјат Идарәси (СИА) илә әмәкдашлыгда вә Иран Ислам Республикасында ҹасуслуг ишләри илә мәшғул олмагда ҝүнаһландырылан Америка вәтәндашы Әмир Мирзаји Һикмәтин мәһкәмә просеси кечирилиб.
Иран Ислам Республикасынын Али Мәһкәмәсинин гәрары илә Америка вәтәндашы Әмир Мирзаји Һикмәт он ил азадлыгдан мәһрум едилмәклә ҹәзаландырылыб.
Гејд едәк ки, барәсиндә ҹасуслиг идиасы олан шәхсин азадлыгдан мәһрум едилмә һөкмү дөрд ај бундан өнҹә верилиб.
Билдирәк ки, 1983-ҹү илдә Аризона штатында доғулан вә Мичиган әјаләтиндә јашајан Ә.М.Һикмәти әввәлләр АБШ Һәрби-Дәниз Гүввәләриндә тәрҹүмәчи ишләјиб.
О, 2011-ҹи илин августунда Иран Ислам Республикасында мәлум миссијасыны һәјата кечирдәркән дешифрә едилмиш вә һәбс олунмушдур.
2012-ҹи ил јанварын 9-да Теһран Ингилаб Мәһкәмәси ону дүшмән дөвләтлә әмәкдашлыгда вә АБШ кәшфијјатына ишләмәкдә тәгсирли биләрәк едам ҹәзасына мәһкум едиб. Анҹаг Иран Ислам Республикасынын Али Мәһкәмәси онун барәсиндә чыхарылмыш өлүм һөкмүнү мүәјјән сәбәбләрә ҝөрә, ләғв едиб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
