Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һиҹри Гәмәри Тарихи илә Ҹәмадиул Ула аjынын 10-дан етибарән (Милади Тарихинин 11.03.2014-нә тәсадүф едир) Ираг, Иран Ислам Республикасы, Азәрбаjҹан, Сәуди Әрәбистан, Ливан, Суриjа, Пакистан, Һиндистан, Әфганыстан вә. с өлкәләрдә Фатимиjjә Ҝүнләри башланылыр. Бунунла әлагәдар олараг, Кәрбалада Имам Һүсеjнин (әлеjһис сәлам) һәрәми артыг өтән ҝүндән бәри башлаjараг гара баjрагларла бәзәнилиб.
Белә ки, баjраглардан 8-нин үзәриндә “Әссәламу Әлеjки Ја Фатимәтуз Зәһра (с)” вә 10-нун үзәриндә исә “Ја Фатимәтуз Зәһраил Бәтул (с)” ҹүмләләри jазылыб. Һабелә галан баjраглар үзәриндә исә Ислам Пеjғәмбәриндән (сәлләллаһу әлеjһи вә алиһ) Фатимәи Зәһра (сәламуллаһи әлеjһа) һагда буjурдуғу гызыл кәламлары вә һәрәмин мүдириjjәти тәрәфиндән Әһли Беjт ашигләринә баш сағлығы верилән ҹүмләләр геjд олунуб.
Геjд едәк ки, Фатимиjjә Ҝүнләри о, ҝүнләрә деjилир ки, Ханым Фатимәи Зәһра (сәламуллаһи әлеjһа) һәмин ҝүнләр әрзиндә икинҹи хәлифә Өмәр ибн Хәттаб, Муғеjрә вә Өмәрин гулу Гонфоз тәрәфиндән өз евиндә дөjүләрәк, гапы илә дивар арасында сахланылараг ҹидди өлүмҹүл хәсарәтләр алыр. Нәтиҹәдә елә орадаҹа бәтниндәки 6 аjлыг оғлан ушағы (онун ады Мөһсүн иди Аллаһын саламы она олсун) зәрбәләр уҹбатындан jерә салынараг Шәһид олур вә ханым Фатимә Зәһра (сәламуллаһи әлеjһа) да үч ҝүн jатаға дүшдүкдән сонра дүнjасыны дәjишәрәк Шәһид олур.
Тарих jазыр ки, Өмәр вә Әбу Бәкр бу иши ҝөрдүкдән сонра Ханым Зәһранын (сәламуллаһи әлеjһа) ҝөрүшүнә ҝәләрәк ондан етдикләри һагсызлыглара ҝөрә һалаллыг алмаг истәсәләр дә лакин һәзрәти Фатимә (сәламуллаһи әлеjһа) гәзблә үзүнү дивара чевирәрәк онларла данышмыр вә дүнjадан көчдүкдә дә онлардан инҹили көчүр.
Ислам Пеjғәмбәриндән (сәлләллаһу әлеjһи вә алиһ) рәваjәт вардыр: “Фатимә мәним ҹанымын парәсидир. Һәр ким ону севиндирәрсә мәни севиндириб вә һәр ким мәни севиндирәрсә Аллаһ Тәаланы севиндириб. Һәр ким ону гәзәбләндирәрсә мәни гәзәбләндириб вә һәр ким мәни гәзәбләндирәрсә Аллаһы гәзәбләндириб”.
Диггәт: Хәбәрдән истифадә етдикдә мәнбәjә истинад лазымдыр
