Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjанын хариҹи ишләр назири Серҝеj Лавров күвеjтли һәмкары Шеjх Сабаһ әл-Халид әл-Һамад әл-Сабаһла бирҝә кечирдиjи брифингдә билдириб: “Русиjа Украjнада баш верән һадисәләрдән нараһатлыг кечирир”.
С. Лавров Гәрб өлкәләрини вә Украjна мүхалифәтини сәрт тәнгид едиб: “Тәәссүф ки, Украjна һакимиjjәтинин мүхалифәтә ҝүзәшт тәклифи һеч бир нәтиҹә вермәди. Мүхалифәт һакимиjjәтин ҝүзәшт тәклифини рәдд етди. Билдиjиниз кими, мүхалифәтин рәһбәрлик етдиjи радикаллар Украjнада инзибати биналары силаһ jолу илә зорла әлә кечирибләр. Русиjа бу һадисәjә һакимиjjәтин зорла вә силаһ jолу илә әлә кечирилмәси ҹәһди кими бахыр. Бу, jолверилмәздир. Бунун мәсулиjjәтини Украjна силаһлы груплара рәһбәрлик едән мүхалифәт лидерләри дашыjыр”.
Серҝеj Лавров Гәрб өлкәләринин дә Украjнада баш верәнләрә ҝөрә мәсулиjjәт дашыдығыны сөjләjиб: “Бир сыра гәрбли сиjасәтчиләр Украjнада баш верәнләрә ҝөрә Русиjаны ҝүнаһландырырлар. Русиjанын постсовет өлкәләрини тәзjиг алтында сахладығыны сөjләjирләр. Һадисәләр башлаjандан бәри Гәрб өлкәләри Украjнанын дахили ишләринә гарышырлар. Украjнаны санксиjаларла һәдәләjибләр, инди дә һәдәләмәкдә давам едирләр. Биз дәфәләрлә гәрбли һәмкарларымыза бу барәдә нараһатлығымызы билдирмишик. Украjнанын дахили ишләринә гарышмамаға чағырмышыг вә һакимиjjәтин дахилдә баш верәнләри тәнзимләмәк игтидарында олдуғуну билдирмишик. Лакин Гәрб өлкәләри jенә дә Украjнадакы һадисәләрә истигамәт вермәкдә давам едирләр”.
Диггәт: Хәбәрдән истифадә етдикдә мәнбәjә истинад лазымдыр
