Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Вашингтонда jерләшән “Ҝлобал Финанҹиал Интеҝритj” тәшкилаты дүнjа өлкәләринин һәр бириндән чиркли jолларла ахан капиталы һесаблаjыб.
Мәлум олуб ки, 2011-ҹи илдә инкишаф етмәкдә олан 150 өлкәдән гыраға үмумиликдә 1 трилjон доллара jахын - 946 милjард доллар пул ахыб. Бу исә о демәкдир ки, инкишаф етмәкдә олан өлкәләрә гырагдан ҝәлән һәр 1 долларын әвәзиндә чиркли jолла 10 доллар чыхыр.
Тәшкилат Азәрбаjҹандан ганунсуз чыхарылан пуллары да һесаблаjыб. Бәлли олуб ки, 10 илдә Азәрбаjҹандан ганунсуз 17 милjард доллар чыхарылыб.
Гиjмәтләндирмәjә әсасланан һесабата ҝөрә, 2007-ҹи илдә Азәрбаjҹандан гыраға ганунсуз олараг 8 милjард 539 милjон доллар пул чыхарылыб. Бу, һесабатын әһатә етдиjи 2002-2011 –ҹи илләр арасы дөврдә Азәрбаjҹан үчүн иллик рекорддур.
2009-ҹу илдә Азәрбаjҹандан гыраға ганунсуз капитал ахыны 3 милjард 854 милjон доллардыр.
2006-ҹы илдә 2 милjард 462 милjон доллар, 2010-ҹу илдә 990 милjон доллар Азәрбаjҹандан гыраға ганунсуз көчүрүлүб.
Һесабата ҝөрә, 2011-ҹи илдә Азәрбаjҹандан гыраға ганунсуз олараг көчүрүлән пул олмаjыб.
Чиркли пулу хариҹә өтүрмәjин тәзә jолуну тапыблар, jохса доғрудан да хариҹиә ганунсуз пул өтүрмә даjандырылыб?
Һесабата ҝөрә, Азәрбаjҹандан гыраға ганунсуз капитал ахыны
2002-ҹи илдә - 87 милjон доллар
2003-ҹү илдә - 112 милjон доллар
2004-ҹү илдә - 50 милjон доллар
2005-ҹи илдә - 126 милjон доллар
2006-ҹы илдә - 2 милjард 462 милjон доллар
2007-ҹи илдә - 8 милjард 539 милjон доллар
2008-ҹи илдә - 845 милjон доллар
2009-ҹу илдә - 3 милjард 854 милjон доллар
2010-ҹу илдә - 990 милjон доллар
2011-ҹи илдә - 0 доллар олуб
2002-2011-ҹи илләр арасы Азәрбаjҹандан гыраға 17 милjард доллар, һәр ил орта һесабла 1 милjард 700 милjон доллар ганунсуз чыхарылыб.
“Ҝлобал Финанҹиал Интеҝритj” тәшкилатынын һесабатына ҝөрә 2011-ҹи илдә ганунсуз пулун ән чох чыхарылдығы өлкә Русиjадыр - 191 милjрд доллар. Чин икинҹи jердәдир – 151 милjард доллар.
Азәрбаjҹанын гоншуларындан нә гәдәр пул ганунсуз чыхарылыр? 2002-2012-ҹи илләрдә Ермәнистандан гыраға 6 милjард 230 милjон доллар чыхарылыб.
Һәмин 10 илдә Ҝүрҹүстандан чыхарылан пул 4 милjард 534 милjон доллардыр.
Диггәт: Хәбәрдән истифадә етдикдә мәнбәjә истинад лазымдыр
